Gujarati News

Gujarati News

News of Friday, 9th March 2018

રોડ વચ્ચે પતિએ જ પત્નીનું ગળું કાપી નાખ્યું, વિડિયો થયો વાઇરલ

સોશિયલ મીડિયામાં એક વીડિયો વાઈરલ થયો છે. વીડિયોમાં મહારાષ્ટ્રની રાજધાની મુંબઈ હોવાનું કહેવામાં આવી રહ્યું છે. શહેરના માનખુર્દ સ્ટેશન બહાર જાહેર રોડ પર એક પતિએ પોતાની પત્નીનું ગળું કાપી નાખ્યું. ચાકૂથી હુમલો કર્યા બાદ પતિ ફરાર થઈ ગયો, જયારે રોડપરના લોકો મહિલાની મદદ કરવાને બદલે ઘાયલ મહિલાને જોઈ રહ્યા.

મીડિયા રિપોર્ટસ અનુસાર ઘાયલ મહિલા ઘાટકોપર માનખુર્દ લિંક રોડના ઝાકિર હુસૈન નગરની રહેવાસી છે. મહિલાનું નામ શુભાંગી વિજય ઈંગલે(૨૭) છે. જે વાશીની એક બેંકમાં સ્વીપરનું કામ કરે છે. તે રોજની જેમ સોમવારે ૪ માર્ચના રોજ કામ પર જવા માટે માનખુર્દ સ્ટેશન ટ્રેન પકડવા માટે જઈ રહી હતી. સ્ટેશન પાસે જ પતિ વિજય ઈંગલે તેની રાહ જોઈ રહ્યો હતો. સવારે ૭ વાગ્યે શુભાંગી સ્ટેશન પાસે પહોંચી અને ત્યારે પાછળથી તેના પતિએ ચાકુ વડે હુમલો કર્યો.

આ ઘટનામાં જે વીડિયો વાઈરલ થયો છે જેમાં જોઈ શકાય છે કે શુભાંગી રોડ પર જઈ રહી છે. પાછળથી તેનો પતિ આવે છે અને ચાકુ વડે તેનું ગળું કાપી નાખે છે. પત્ની પોતાને બચાવવાનો પ્રયત્ન કરે છે. આરોપી પતિ તેમ છતાં તેની પત્ની પર હુમલો કરવાનું શરૂ રાખે છે. ત્યાર બાદ પતિ ત્યાથી ફરાર થઈ જાય છે.

ઈજાગ્રસ્ત શુભાંગીને લોકો જોઈ રહ્યા હતા પરંતુ કોઈ મદદે ન આવ્યું. આખરે પોલીસ આવી અને મહિલાને સારવાર માટે હોસ્પિટલમાં લઈ ગઈ. શુભાંગીના નિવેદન પર પોલીસે તેના પતિ વિજયની ધરપકડ કરી લીધી છે. પોલીસના મતે શુભાંગી અને તેના પતિ વચ્ચે ઘણા સમયથી ઝઘડો ચાલી રહ્યો હતો જેથી તે પિયરમાં રહેતી હતી.(૨૧.૮)

(10:00 am IST)
  • સરકાર કુટુંબ નિયોજનને પ્રોત્સાહન આપે અને એવા પગલાં લ્યે જેથી દેશના લોકોને 2 બાળકોની પોલિસીને અનુસરવા માટે ઉત્સાહ મળે આવી માંગણી કરતી જાહેરહિતની અરજી સુપ્રીમમાં દાખલ access_time 12:07 am IST

  • ભવિષ્યમાં ગાંધી-નહેરુ પરિવારની બહારની વ્યક્તિ કોંગ્રેસ પ્રમુખ હોઈ શકે છે :સોનિયા ગાંધી access_time 11:55 pm IST

  • જગવિખ્યાત સુફી ગાયક બેલડી વડાલી બ્રધર્સમાં નાના ભાઈ ઉસ્તાદ પ્યારેલાલ વડાલીનું 75 વર્ષની ઉમંરે હાર્ટ એટેકમાં મૃત્યુ થયુ છે. પ્યારેલાલ છેલ્લા કેટલાક સમયથી બીમાર હતા અને ગઈ કાલે તેમને હાર્ટ એટેક આવ્યો હતો. ગઈ કાલે તેમને અમૃતસરની ફોર્ટિસ હોસ્પિટલમાં દાખલ કરવામાં આવ્યા હતાં. ત્યાં આજે સવારે તેમણે અંતિમ શ્વાસ લીધા હતા. પ્યારેલાલ વડાલીના નિધન વિશે તેમના ભત્રીજા લખવિંદર વડાલીએ જાણ કરી હતી. access_time 1:04 pm IST