Gujarati News

Gujarati News

News of Thursday, 8th March 2018

નિરવ મોદી બાદ હવે મેહુલ ચોક્સીઅે તબિયતનું બહાનુ બતાવીને CBI સમક્ષ હાજર થવા ઇન્‍કાર કરી દીધો

નવી દિલ્હીઃ પંજાબ નેશનલ બેંક સાથે કરોડો રૂપિયાનું કૌભાંડ કરીને ફરાર થઇ ગયેલ નિરવ મોદી બાદ હવે મેહુલ ચોક્સીઅે પણ તબિયતનું બહાનુ બતાવીને સીબીઆઇ સમક્ષ હાજર થવા ઇન્‍કાર કરી દીધો છે.

મેહુલ ચોકસીએ પત્રમાં ખરાબ સ્વાસ્થયનો હવાલો આપી ભારત આવવાનો ઈન્કાર દીધો છે.  મેહુલે પત્રમાં વધુમાં કહ્યુ કે મારી ધરપકડ કરવામાં આવશે તો મારી તબિયત વધારે લથડી શકે છે. બિમારીની હાલતમાં મારી સારવાર માત્ર સરકારી હોસ્પિટલમાં કરવામાં આવશે. પીએનબી કૌભાંડ પ્રકાશમાં આવ્યા બાદ મેહુલ ચોકસી અને નિરવ મોદી દેશ છોડીને ફરાર થયા છે.

મેહુલ ચોકસી અને નિરવ મોદી વિરૂદ્ધ પીએનબી સાથે કરોડો રૂપિયાનો ગોટાળો કર્યો હોવાનો આક્ષેપ છે. ઈડી સહિતની તપાસ એજન્સીઓએ નિરવ મોદી અને મેહુલ ચોકસીની કરોડો રૂપિયાની સંપત્તિને જપ્ત કરી છે. ત્યારે હવે નિરવ મોદી બાદ મેહુલ ચોકસીએ પત્ર લખી સીબીઆઈ સમક્ષ હાજર થવાનો ઇન્કાર કર્યો છે.

(8:13 pm IST)
  • મહાત્મા ગાંધી દ્વારા હસ્તાક્ષર કરાયેલ એક દુર્લભ ફોટો અમેરિકામાં 41,806 ડોલર એટલે કે 27 લાખ 22 હજાર 615 રૂપિયામાં વેચાણ કરવામાં આવ્યો છે. તસ્વીરમાં ગાંધીજીને મદન મોહન માલવિયા સાથે જોવામાં આવી રહ્યા છે. બોસ્ટન સ્થિત આરઆર ઓકશન મુજબ, આ ફોટો સપ્ટેમ્બર 1931 માં લંડનમાં બીજા રાઉન્ડ ટેબલ કોન્ફરન્સ પછી લેવામાં આવ્યો હતો. આ દુર્લભ ચિત્ર પર, મહાત્મા ગાંધીએ ફાઉન્ટેન પેન દ્વારા 'એમ કે ગાંધી' લખીને પોતાના હસ્તાક્ષર કર્યા છે. access_time 2:53 pm IST

  • દ્વારકા-નાગેશ્વર મંદિર વિસ્તારમાં આવેલ સરકારી જગ્યા પ્લોટ પાડીને વેચી દેવાઈ : પૂજારી સહિત ૧૬ સામે મીઠાપુર પોલીસ સ્ટેશનમાં ફરીયાદ access_time 5:54 pm IST

  • ઉત્તર પ્રદેશ સમાજવાદી પક્ષના ઉમેદવાર જયા બચ્ચને શુક્રવારે રાજ્યસભા માટે નામાંકન ભર્યું છે. તેમણે વિધાનસભાના સેન્ટ્રલ હોલમાં નોમિનેશન દાખલ કર્યું હતું. આ દરમિયાન સ.પા.ના પ્રમુખ અખિલેશ યાદવના પત્ની સાંસદ શ્રીમતી ડિમ્પલ યાદવ, સ.પા.ના ઉપપ્રમુખ કિરણ મય નંદા, સ.પા.ના રાષ્ટ્રીય સચિવ રાજેન્દ્ર ચૌધરી અને સહારા ગ્રૂપના ચેરમેન સુબ્રતા રોય સહારા પણ હાજર રહ્યા હતા. access_time 8:42 pm IST