News of Thursday, 8th March 2018

રાજસ્થાનઃ પેટાચુંટણીમાં કોંગ્રેસે બાજી મારી

ભાજપની હારઃ ૩૩માંથી ૨૦ સીટ પર કોંગ્રેસની જીત

જયપુર તા. ૮ : રાજસ્થાનમાં હાલમાં જ ૨ લોકસભા સીટો અને એક વિધાનસભા સીટ માટે થયેલી પેટાચુંટણી માટે ભવ્ય જીત મેળવ્યા બાદ કોંગ્રેસ નિગમ પેટાચૂંટણીમાં પણ ભાજપને જોરદાર ઝટકો આપ્યો છે. પંચાયતી રાજ સંસ્થાઓની જે ૩૩ સીટો માટે પેટાચુંટણી યોજાય હતી તેમાંથી કોંગ્રેસે ૨૦ જીતી લીધી છે. ઉલ્લેખનીય છે કે, આ વર્ષે રાજસ્થાનમાં વિધાનસભા ચુંટણી યોજાશે.

કોંગ્રેસે ૬ જિલ્લા પરિષદ સીટોમાંથી ૪, પંચાયત સમિતિની ૨૦ સીટોમાંથી ૧૨ અને નગર નિગમની ૬ સીટોમાંથી ૪ પર જીત મેળવી છે. આવી રીતે કોંગ્રેસ પેટાચુંટણીમાં પોતાની સીટોની સંખ્યામાં બે ગણો વધારો કરીને ૧૦થી ૨૦ સુધી પહોંચી ગયો છે. જ્યારે ભાજપ ૧૮ સીટોમાંથી ઘટીને ૧૧ પર પહોંચી ગયું છે. રાજ્યની સત્તા પર રહેલ ભાજપ જિલ્લા પરિષદની ફકત એક સીટ પર જ જીત નોંધાવી શકી છે. આ ઉપરાંત તેને પંચાયત સમિતિની ૮ અને નગર નિગમની ૨ સીટો પર પેટાચુંટણીમાં જીત મળી છે.

(3:49 pm IST)
  • સસ્પેન્ડેડ IAS અધિકારી પ્રદિપ શર્માની અટકાયતઃ સાબરમતી જેલની બહાર આવતાની સાથે જ અટકાયત : હાઈકોર્ટે હજુ ગઈકાલે જ જામીન આપ્યા હતા : વિદેશમાં હવાલા દ્વારા નાણા મોકલવામાં આવ્યાનો કેસ ચાલી રહ્યો છે access_time 3:49 pm IST

  • દ્વારકા-નાગેશ્વર મંદિર વિસ્તારમાં આવેલ સરકારી જગ્યા પ્લોટ પાડીને વેચી દેવાઈ : પૂજારી સહિત ૧૬ સામે મીઠાપુર પોલીસ સ્ટેશનમાં ફરીયાદ access_time 5:54 pm IST

  • સુરતના કાપડના વેપારી તુલસીસિંહ રાજપૂતના પુત્ર અમિતનો મૃતદેહ મળ્યોઃ હત્યા થઈ હોવાનું પરીવારજનોનો આક્ષેપ : મૃતદેહ સ્વીકાર ઈનકાર access_time 5:54 pm IST