Gujarati News

Gujarati News

News of Thursday, 8th March 2018

અમદાવાદમાં કપચી ભરેલ ટ્રક સાથે ધડાકાભેર કાર અથડાઇ : કારમાં લાગી જબ્બર આગ : રાજ્યમંત્રી કૌશીક પટેલના સાળાના પુત્ર સહિત ૩ ભડથુ

તાલાળાના કોંગી ધારાસભ્ય બારડના ભત્રીજાનો પણ ભોગ લેવાયો

રાજકોટ, તા., ૮ : આજે વ્હેલી સવારે અમદાવાદમાં કપચી ભરેલ ટ્રક સાથે કાર અથડાતા સર્જાયેલ અકસ્માતમાં તાલાલાના કોંગ્રેસના ધારાસભ્ય ભગવાનભાઇ બારડના ભત્રીજા તથા રાજયમંત્રી કૌશીકભાઇ પટેલના સાળાના પુત્ર સહિત ૩ ના મોત નિપજતા અરેરાટી વ્યાપી ગઇ છે. 

અમદાવાદના વાડજ નજીક બેબીલોન  કલબ પાસે કપચી ભરેલ ટ્રક સાથે કારનો અકસ્માત સર્જાયો હતો અને કાર ભડભડ સળગી ઉઠી હતી. આગ એટલી વિકરાળ હતી કે અંદર બેઠેલા પ લોકોને બહાર નિકળવાનો મોકો મળ્યો ન હતો અને આ આગમાં તાલાળા ગીરના કોંગ્રેસના ધારાસભ્ય ભગવાનભાઇ બારડના ભાઇ રામભાઇ બારડના પુત્ર રાહુલ બારડ, રાજયમંત્રી કૌશીકભાઇ પટેલના સાળાના પુત્ર  ધૈર્ય પટેલ અને રોયલ પટવા નામના ૩ યુવકોના ઘટના સ્થળે જ મોત નિપજયા હતા. 

જયારે મોહનસિંહ અને પાર્થ પીપાવત નામના બે યુવકો દાઝી જતા ગંભીર હાલતમાં અમદાવાદના સોલા સિવિલ હોસ્પીટલમાં ખસેડવામાં આવેલ છે.

પોલીસને બનાવ અંગે જાણ થતાં FSLની ટીમની મદદથી તપાસ કરવામાં આવી રહી છે કે કારમાં આખરે કઈ રીતે આગ લાગી. આ સાથે કારને અન્ય વાહને અડફેટે લીધા હોવાની બાબતે પણ પોલીસ દ્વારા વધુ તપાસ કરવામાં આવી રહી છે. આ કાર CNGથી સંચાલિત હતી કે નહીં તે અંગેની પણ તપાસ કરાશે. હાલ આગ ચાલવાનું ચોક્કસ કારણ બહાર આવ્યું નથી, પરંતુ તપાસ બાદ જ આગ લાગવાનું ચોક્કસ કારણ જાણી શકાશે.

(2:54 pm IST)
  • રાષ્ટ્રપતિ રામનાથ કોવિંદ મોરિશ્યસ -માદાગાસ્કરની 11થી 15 માર્ચ દરમિયાન મુલાકાત લેશે access_time 12:04 am IST

  • વિડિયોકોન ગ્રુપના ચેરમેન વેણુગોપાલ ધૂત દેશ છોડીને ભાગી ગયા હોવાના રિપોર્ટ વહેતા થયા હતા, જો કે વેણુગોપાલે કહ્યું કે ‘આ માત્ર અફવા છે હું ભારતમાં જ છું અને દેશ છોડીને જવાનો મારો કોઇ ઇરાદો પણ નથી. હું અહ્યાં ખુશ છું અને છેલ્લા 5 વર્ષથી દેશની બહાર ગયો પણ નથી.’ ઉલ્લેખનીય છે કે વિડિયોકોન પર 20,000 કરોડનો કરજો છે. access_time 4:50 pm IST

  • દુનિયાના મહાન વૈજ્ઞાનિક આઈનસ્ટાઈને 42 વર્ષની ઉંમરે તેનાથી 20 વર્ષ નાની ઉંમરની યુવતીને પ્રેમ પત્ર લખ્યો હતો. જો કે આ પ્રેમ પત્ર વિશે ભાગ્યે જ કોઈ જાણતું હશે. આલબર્ટ આઈનસ્ટાઈનના 97 વર્ષ પહેલા લખાયેલા આ પત્રની ઈઝરાયેલની રાજધાની જેરુસેલમમાં 4 લાખ રૂપિયામાં હરાજી થઈ. જો કે એલીસાબેટ્ટા પીસીની નામની એ યુવતીએ આઈનસ્ટાઈનના પ્રેમનો સ્વીકાર કર્યો નહોતો. access_time 12:41 am IST