Gujarati News

Gujarati News

News of Thursday, 8th March 2018

કેરળમાં ખુલી નવી રેસ્ટોરાં: મરજી હોય એટલું ખાઓ, મરજી હોય એટલું ચુકવો

કોચી તા. ૮ : આપણે ત્યાં ગરીબોને પણ પરવડે એવી ૪૦ થી પ૦ રૂપિયામાં થાળી પીરસતી રેસ્ટોરાંઓ છે. જો કે બે દિવસ પહેલાં કેરળમાં નવી  ખુલેલી એક રેસ્ટોરામાં છે. જો કે બે દિવસ પહેલાં કેરળમાં નવીખુલેલી એક રેસ્ટોરામાં કંઇ પણ ખાઓ અને કંઇ પણ ચુકવો એવો મંત્ર છે. કેરળના અલપ્પુઝા જિલ્લામાં જનકીય ભક્ષણશાળા એટલે કે જનતા ભોજનાલય  નામે રેસ્૭ોરાં ખુલી છે જેનો મંત્ર છે તમારે જેટલું ખાવુ હોય એટલું ખાઓ અને તમે જેટલી આપી શકો એમ હો એટલું આપો. તમે અહીં મરજીના માલિક છો. જો તમે એક રૂપિયો પણ આપી શકો એમ ન હોય અથવા તો આપવો ન હોય તો તમે ખાધા પછી હાથ હલાવતા કંઇ જચુકવ્યા વિના ત્યાંથીનીકળી શકો છો. આ રેસ્ટોરાં કેરળ સ્ટેટ ફાઇન્નેશ્યલ એન્ટરપ્રાઇઝના કોર્પોરેટ સોશ્યલ રિસ્પોન્સિબિલિટી ફન્ડથી સંચાલિત છે અને ભુખમુકત રાજય બનાવવાના ઉદેશથી શરૂ કરવામાં આવી છે. ત્રીજમાર્ચે આમ જનતા માટે શરૂ થયેલી આ રેસ્ટોરામાં કોઇ કેશિયર કે બિલ બનાવનાર કે લેનાર નથી. કાઉન્ટર પર પડેલા બોકસમાં તેઓ જે ઇચ્છે એ રકમ નાખી શકે છે. જેમની પાસે પૈસા નથી તેઓ ભરપેટ ખાવાનું ખાઇને કશું જ ડબ્બામાં ન નાખે તો પણ ચાલે. આ રેસ્ટોરાંના કિચનમાં રોજ ર૦૦૦ લોકોનું ખાવાનું તૈયાર થઇ શકે છે. બે માળના ભોજનાલયમાં વેસ્ટ મેનેજમેન્ટ પ્લાન્ટ પણ છે.

(11:42 am IST)
  • સુપર સ્ટાર રજનીકાંત સાથે જોવા મળેલ કૂતરાને ખરીદવા માટે ૨ કરોડ જેટલી જંગી રકમ આપવા ચાહકો તૈયાર access_time 5:54 pm IST

  • INX મીડિયા કૌભાંડ કેસમાં કાર્તિ ચિદમ્બરમને વધુ ત્રણ દિવસની સીબીઆઈ રિમાન્ડ ઉપર સોંપવા અદાલતનો આદેશ access_time 12:03 am IST

  • જગવિખ્યાત સુફી ગાયક બેલડી વડાલી બ્રધર્સમાં નાના ભાઈ ઉસ્તાદ પ્યારેલાલ વડાલીનું 75 વર્ષની ઉમંરે હાર્ટ એટેકમાં મૃત્યુ થયુ છે. પ્યારેલાલ છેલ્લા કેટલાક સમયથી બીમાર હતા અને ગઈ કાલે તેમને હાર્ટ એટેક આવ્યો હતો. ગઈ કાલે તેમને અમૃતસરની ફોર્ટિસ હોસ્પિટલમાં દાખલ કરવામાં આવ્યા હતાં. ત્યાં આજે સવારે તેમણે અંતિમ શ્વાસ લીધા હતા. પ્યારેલાલ વડાલીના નિધન વિશે તેમના ભત્રીજા લખવિંદર વડાલીએ જાણ કરી હતી. access_time 1:04 pm IST