Gujarati News

ડેમોક્રેટીક પાર્ટીના ઉમેદવાર જો બીડેનના ચૂંટણી પ્રચાર ટીમે કહ્યુ છે કે ટ્રમ્પે આપેલ ધમકી મુજબ તેઓ સુપ્રિમ કોર્ટમાં જશે તો તેમની લીગલ ટીમ તેમને ભરી પીવા ખડેપગે તૈયાર છે : દરમિયાન અમેરીકી પ્રમુખ ડોનાલ્ડ ટ્રમ્પે કહ્યું છે કે હું આ ચૂંટણી જીતી ચૂકયો છું અને હવે વધુ મતો ગણવા એ અમેરીકન પ્રજા સાથે મોટી છેતરપીંડી ગણાશે : બીડેનની ચૂંટણી પ્રચારના મેનેજર જેન ઓમેલ્લી દિલોને એક નિવેદનમાં કહ્યું છે કે જો ડોનાલ્ડ ટ્રમ્પ તેમની ધમકી મુજબ કોર્ટમાં જઈ મતોનું પ્રોપર ડેબ્યુલેશન કરતાં રોકશે તો અમારી લીગલ ટીમ તેમના આવા કોઈ પ્રયાસને પડકારવા તૈયાર જ છે : આ પહેલા મોડેથી બીડેને કહ્યું હતું કે તેઓ પ્રમુખપદની ચૂંટણી જીતી જવા આશાવાદી છે અને શાંતિ જાળવવા માટે તેમના ટેકેદારોનો આભાર માન્યો હતો અને કહેલ કે તમારી ધીરજ વખાણવાને લાયક છે