Gujarati News

ખાનગી કેન્‍દ્રો પર  Covaxinના એક ડોઝની કિંમત GST સહિત રૂા. ૩૮૬ છે જ્‍યારે Corbevaxની કિંમત રૂા. ૯૯૦ નવી દિલ્‍હી,તા. ૪ :  જો તમે એવા માતાપિતા છો કે જેમના બાળકની ઉંમર ૧૨ થી ૧૭ વર્ષની વચ્‍ચે છે અને બાળકને હજુ સુધી કોવિડ સામે રસી આપવામાં આવી નથી, તો તમારા માટે એક સારા સમાચાર છે. મંગળવારે, સીરમ ઇન્‍સ્‍ટિટ્‍યૂટ ઓફ ઇન્‍ડિયા (SII) એ કોવોવેક્‍સના દરેક ડોઝની કિંમત ૯૦૦ રૂપિયાથી ઘટાડીને ૨૨૫ રૂપિયા કરી દીધી છે. ખાનગી રસીકરણ કેન્‍દ્રો પર ૧૨ થી ૧૭ વર્ષની વય જૂથના બાળકોના રસીકરણ માટે કોવિન પોર્ટલ પર કોવોવેક્‍સનો સમાવેશ કરવામાં આવ્‍યા બાદ કિંમતમાં દ્યટાડો કરવામાં આવ્‍યો છે. તેમાં ટેક્‍સનો સમાવેશ થતો નથી.

આ બાબતે ખુશી વ્‍યક્‍ત કરતા, સીરમ ઈન્‍સ્‍ટિટ્‍યૂટ ઓફ ઈન્‍ડિયાના સીઈઓ અદાર પૂનાવાલાએ ટ્‍વીટ કર્યું કે દેશભરના બાળકો માટે કોવોવેક્‍સ રસી ઉપલબ્‍ધ કરાવવામાં આવી છે. આ રસી અમેરિકન કંપની નોવાવેક્‍સ દ્વારા વિકસાવવામાં આવી છે, જે સીરમ બનાવે છે. પૂનાવાલાએ કહ્યું કે આ એકમાત્ર એવી રસી છે જે ભારતમાં બને છે અને યુરોપમાં પણ વેચાય છે. તે ૯૦ ટકાથી વધુ અસરકારક હોવાનું જાણવા મળ્‍યું છે.

નેશનલ ટેકનિકલ એડવાઈઝરી ગ્રુપ ઓન ઈમ્‍યુનાઈઝેશન (NTAGI)ની ભલામણ બાદ સોમવારે પોર્ટલ પર રસીના વિકલ્‍પની જોગવાઈ સામેલ કરવામાં આવી હતી. મંગળવારે, સરકારી અને નિયમનકારી બાબતોના નિર્દેશક, પ્રકાશ કુમાર સિંહે સરકારને માહિતી આપી હતી કે કંપની, ખાનગી હોસ્‍પિટલો માટે, દરેક ડોઝની કિંમત ૯૦૦ રૂપિયાથી દ્યટાડીને ૨૨૫ રૂપિયા કરી રહી છે. આ ઉપરાંત ખાનગી હોસ્‍પિટલ સર્વિસ ચાર્જ તરીકે ૧૫૦ રૂપિયા સુધી વસૂલ કરી શકે છે. નોંધનીય છે કે Covovax ની કિંમત Cowin Portal (COWIN) પર સંશોધિત કરવામાં આવી છે.

ડ્રગ રેગ્‍યુલેટર ઓફ ઈન્‍ડિયા (DGCI) એ ગયા વર્ષે ૨૮ ડિસેમ્‍બરે પુખ્‍ત વયના લોકોમાં અને ૧૨ થી ૧૭ વર્ષની વયના બાળકો માટે ૯ માર્ચે અમુક શરતો સાથે કટોકટીમાં કોવોવેક્‍સ રસીના ઉપયોગને મંજૂરી આપી હતી.

સરકારે ૧૨ થી ૧૭ વર્ષની વયના બાળકો માટે બીજી કોરોના રસી ‘કોવોવેકસ'ને મંજૂરી આપી છે. ભારતના ડ્રગ રેગ્‍યુલેટરે ગયા વર્ષે ૨૮ ડિસેમ્‍બરે પુખ્‍ત વયના લોકોમાં કટોકટીની પરિસ્‍થિતિઓમાં પ્રતિબંધિત ઉપયોગ માટે કોવોવેક્‍સને મંજૂરી આપી હતી. તે જ સમયે, ભારત બાયોટેકના કોવેક્‍સિન સરકારી રસીકરણ કેન્‍દ્રો પર ૧૫-૧૮ વર્ષની વયજૂથના બાળકોને વિનામૂલ્‍યે આપવામાં આવે છે. નોંધનીય છે કે ખાનગી કેન્‍દ્રો પર Covaxin ના એક ડોઝની કિંમત GST સહિત ૩૮૬ રૂપિયા છે, જયારે Corbevaxની કિંમત ૯૯૦ રૂપિયા છે.