Gujarati News

Gujarati News

News of Wednesday, 3rd March 2021

નાલંદા મેડિકલ કોલેજના છાત્રનું વેક્સિન લેવા છતાં કોરોનાથી મોત

કોરોનાની રસીને લઈને પણ ચિંતા ઊભી કરતી ઘટના : શુભેન્દુ સુમને ૨૨ દિવસ અગાઉ કોવેક્સિનનો પ્રથમ ડોઝ લીધો હતો, વિદ્યાર્થીઓના રિપોર્ટ કરાવાઈ રહ્યા છે

પટના, તા. ૩ : કોરોના વેક્સિન લીધા બાદ કોરોનાના કારણે મોત નિપજ્યું હોવાની ઘટના સામે આવી છે. નાલંદા મેડિકલ કોલેજના ફાઇનલ ઇયરમાં અભ્યાસ કરતાં એક સ્ટૂડન્ટનું કોવિડ વેક્સિન લીધી હોવા છતાં કોરોનાને કારણે મોત નિપજ્યું છે. શુભેન્દુ સુમને ૨૨ દિવસ અગાઉ કોવેક્સિનનો પ્રથમ ડોઝ લીધો હતો. હવે મેડિકલ કોલેજના વિદ્યાર્થીઓના રિપોર્ટ કરાવવામાં આવી રહ્યાં છે.

શુભેન્દુ સુમને ફેબ્રુઆરીના પ્રથમ સપ્તાહમાં વેક્સિન લીધી હતી. જે બાદ ૨૫મી ફેબ્રુઆરીએ તે કોરોના પોઝિટિવ આવ્યો હતો. જે બાદ તે પોતાના ઘરે બેગુસરાય જતો રહ્યો, જ્યાં ૨૭મી ફેબ્રુઆરીએ તેને સ્થાનિક હોસ્પિટલમાં દાખલ કરવામાં આવ્યો હતો. પરંતુ સોમવારે સાંજે તેનું મોત નિપજ્યું હતું. આ હોસ્પિટલમાં અત્યાર સુધી ૧૫ વિદ્યાર્થી પોઝિટિવ આવી ચૂક્યાં છે અને આમાંથી ઘણા વિદ્યાર્થીઓએ કેટલાક અઠવાડિયા પહેલાં જ વેક્સિનનો પ્રથમ ડોઝ લીધો હતો.

ઉલ્લેખનીય છે કે, દેશમાં ૧૬મી જાન્યુઆરીથી કોરોના રસીકરણ અભિયાનની શરૂઆત કરવામાં આવી હતી. પ્રથમ તબક્કે સ્વાસ્થ્ય કર્મચારી અને ફ્રન્ટલાઇન વર્કર્સને રસી આપવામાં આવી હતી. ૧ માર્ચથી વેક્સિનેશનના બીજા તબક્કાની શરૂઆત થઇ. જેમાં ૬૦ વર્ષથી વધુ ઉંમરના લોકો અને ગંભીર બીમારીઓનો સામનો કરી રહેલાં ૪૫ વર્ષથી ઉપરની વયના લોકોને રસી આપવામાં આવશે.

(8:04 pm IST)
  • રાષ્ટ્રપતિ શ્રી રામનાથ કોવિંદે કોરોના વેકસીનનો પ્રથમ ડોઝ લીધો : દિલ્હી સ્થિત રીસર્ચ એન્ડ રેફરલ હોસ્પિટલમાં કોરોના વેકસીન લીધી : લોકોને ગભરાયા વગર વેકસીન લેવા અપીલ કરી : રાષ્ટ્રપતિ કોવિંદે દેશમાં સૌથી મોટુ ટીકાકરણ અભિયાનને સફળતાપૂર્વક પાર પાડવા બદલ ડોકટરો, નર્સો, સ્વાસ્થ્ય કર્મીઓ, પ્રશાસકો વગેરેનો આભાર વ્યકત કર્યો : કપિલ દેવે પણ કોરોના વેકસીન લીધી : કોરોના વેકસીનના બીજા તબક્કામાં પૂર્વ ક્રિકેટર અને ૧૯૮૩ના ક્રિકેટ વર્લ્ડકપ વિજેતાએ ખાનગી હોસ્પિટલ ફોર્ટીસ ખાતે આજે વેકસીન લીધી હતી access_time 5:08 pm IST

  • દેશમાં રસીકરણ અભિયાને ઝડપ પકડી : અત્યાર સુધીમાં 1.54 કરોડ લોકોએ રસી લીધી : પીએમ મોદીની અપીલની દેખાઈ અસર :છેલ્લા બે દિવસમાં રસીકરણ માટે અંદાજે 50 લાખથી વધુ લોકોએ રજીસ્ટ્રેશન કરાવ્યું access_time 12:57 am IST

  • દેશના નંબર ૧ ક્રિકેટરની ગુજરાત આવકવેરાના અધિકારીઓ દ્વારા ‘ફેસલેસ’ ઍસેસમેન્ટ કરવામાં આવ્યાનું જાણવા મળે છે : પ્રથમ વખત જ નેટ મારફત સામે કયા ઓફીસર દ્વારા ઍસેસમેન્ટ થાય છે તે જાહેર થયા વિના આવકવેરા ખાતા દ્વારા આ ઍસેસમેન્ટ કરવામાં આવ્યાનું ન્યુઝ ફર્સ્ટ જણાવે છે access_time 1:29 pm IST