Gujarati News

નવી દિલ્હી,તા. ૨: પંજાબ, છત્ત્।ીસગઢ રાજસ્થાનથી લઈને કેરળ સુધી, કોંગ્રેસમાં ચૂંટણી વ્યૂહરચનાકાર પ્રશાંત કિશોરના પ્રવેશને લઈને મતભેદો છે, જે પક્ષમાં વિખવાદ ઉભો થઇ ગયો છે સૂત્રોના જણાવ્યા અનુસાર પાર્ટીના કાર્યકારી અધ્યક્ષ સોનિયા ગાંધીએ આ મુદ્દે અનેક નેતાઓ સાથે વાત કરી છે. સૂત્રોના જણાવ્યા અનુસાર, પ્રશાંત કિશોરને પાર્ટીમાં સામેલ કરવા સામે દ્યણા નેતાઓએ વાંધો ઉઠાવ્યો છે, જયારે કેટલાકએ તેને પાર્ટીના હિતમાં ગણાવ્યો છે. હવે કેસ સોનિયા ગાંધીની કોર્ટમાં છે.

સૂત્રોના જણાવ્યા અનુસાર, પ્રશાંત કિશોરને પાર્ટીમાં સામેલ કરવા અંગે ઘણા નેતાઓએ પોતાનો વિરોધ નોંધાવ્યો છે અને કેટલાકએ તેમના કોંગ્રેસમાં સમાવેશ કરવાની હિમાયત કરી છે. આ નિર્ણય પાર્ટી અધ્યક્ષ પર છોડી દેવામાં આવ્યો હતો.

સૂત્રોએ જણાવ્યું હતું કે, પાર્ટીના સંગઠનમાં ફેરફારની માંગણી કરતા સોનિયા ગાંધીને પત્ર લખીને 'ગ્રુપ ૨૩' ના નેતાઓએ પણ પ્રશાંત કિશોર સાથે નારાજગી વ્યકત કરી છે. આ નેતાઓ, જેઓ લાંબા સમયથી સંગઠનની ચૂંટણીઓની માંગણી કરી રહ્યા છે, તેમાં ગુલામ નબી આઝાદ, કપિલ સિબ્બલ, આનંદ શર્મા જેવા વરિષ્ઠ નેતાઓનો સમાવેશ થાય છે. પ્રશાંત કિશોર કોંગ્રેસ પાર્ટીમાં જોડાઈ શકે છે અને ચૂંટણી વ્યવસ્થાપનમાં ચાવીરૂપ ભૂમિકા ભજવે તેવી અટકળો વચ્ચે તેઓ તાજેતરમાં રાહુલ ગાંધીને મળ્યા હતા. જોકે, આ મામલો હજુ પેન્ડિંગ છે અને તેના પર કોઈ અંતિમ નિર્ણય લેવામાં આવ્યો નથી.

૨૦૧૪ ની લોકસભાની ચૂંટણીમાં પ્રશાંત કિશોરે ભારતીય જનતા પાર્ટી (બીજેપી) ના પ્રચારનો હવાલો સંભાળ્યો હતો, ત્યારબાદ તેઓ ઉપાધ્યક્ષ તરીકે જનતા દળ (યુનાઈટેડ) માં જોડાયા હતા. પ્રશાંત કિશોરે ઉત્ત્।ર પ્રદેશની છેલ્લી વિધાનસભા ચૂંટણીમાં કોંગ્રેસ માટે કામ કર્યું હતું. તે જ વર્ષે, પંજાબના મુખ્યમંત્રી અમરિંદર સિંહે તેમને તેમના મુખ્ય સલાહકાર તરીકે નિયુકત કર્યા. તાજેતરમાં પીકે આ પદ પરથી રાજીનામું આપ્યું છે. પશ્યિમ બંગાળની ચૂંટણીમાં તેમણે મમતા બેનર્જીની પાર્ટી ના પ્રચારને સંભાળ્યો હતો.