Gujarati News

નવી દિલ્હી તા. ૨ : દેશમાં મોટાભાગના નાગરિકો પાસે આધાર નંબર આપી દેવામાં આવ્યા છે હવે સરકાર જલદી કંપનીઓને પણ ઓળખ નંબર આપશે. નાણા મંત્રી અરૂણ જેટલીએ ૨૦૧૮-૧૯નું બજેટ રજૂ કરતી વખતે આ જાહેરાત કરી છે. એટલે કે હવે કંપનીઓએ પણ બનાવવું પડશે 'આધાર કાર્ડ'.

નાણામંત્રીએ કહ્યું કે, 'સરકાર તમામ કંપનીઓને એક યુનીક આઈડી આપવા માટે આધાર જેવી જ યોજના લઈને આવશે.' ઉલ્લેખનિય છે કે સરકાર આધાર દ્વારા સરકારી યોજનાઓમાં ભ્રષ્ટાચાર અને સબસિડી લીકેજને ઘટાડવામાં મદદ મળી છે. હવે સરકાર 'આધાર કાર્ડ' દ્વારા ખાનગી કંપનીઓના ભ્રષ્ટાચાર અને નકલી કંપનીઓ પર સંકજો કસાશે.

સરકાર પહેલા જ ત્રણ લાખથી વધુ નકલી કંપનીઓના લાયસન્સ રદ્દ કરી ચૂકી છે. સરકારે નોટબંધી બાદ આવી કંપનીઓ સામે કાર્યવાહી કરી હતી.(૨૧.૮)