Gujarati News

નવી દિલ્‍હીઃ મોટોરોલા ફરી એક વખત ભારતની બજારમાં તેના નવા સ્‍માર્ટફોન સાથે  આવી રહી છે. આગામી 2 જૂને મોટોરોલા તેનો નવો સ્‍માર્ટફોન મોટો-ઇ32એસ ભારતની બજારમાં લોન્‍ચ કરશે. જ્‍યારે યુરોપની બજારોમાં આ ફોન ગત સપ્‍તાહે જ લોન્‍ચ થઇ ગયો હતો. ફોનની વિશેષતાઓમાં 90 એચ.ઝેડ. સ્‍ક્રીન રિફ્રેશ રેટ, સાઇટ-માઉન્‍ટેડ ફિંગરપ્રિન્‍ટ સ્‍કેનર, ફેસ અનલોક સપોર્ટ, આઇ.પી. 52 વોટર-રેપેલેન્‍ટ ડિઝાઇન છે.

સ્માર્ટફોન બનાવતી કંપની મોટોરોલા ભારતમાં એક નવો મોટો ઈ સિરીઝ સ્માર્ટફોન લોન્ચ કરશે. કંપનીએ ભારતમાં Moto E32s ને લોન્ચ કરવાની તારીખ જાહેર કરી દીધી છે. Moto E32s ને ભારતમાં 2 જૂને લોન્ચ કરવામાં આવશે. મહત્વનું છે કે આ સ્માર્ટફોનને પાછલા સપ્તાહે યૂરોપમાં લોન્ચ કરવામાં આવ્યો છે. આ કંપનીનો બજેટ સ્માર્ટફોન છે.

Moto E32s માં 90Hz સ્ક્રીન રિફ્રેશ રેટ છે અને આ ડિવાઇસ MediaTek Helio G સિરીઝ પ્રોસેસર દ્વારા સંચાલિત છે. ફોન ભારતમાં ફ્લિપકાર્ટ, રિલાયન્સ જિજિટલ અને જિયો માર્ટ પર ઉપલબ્ધ થશે. Moto E32s ની ભારતમાં કિંમત 11 હજાર રૂપિયા હોઈ શકે છે. આવો આ ફોનના ફીચર્સ પર એક નજર કરીએ.

Moto E32s: સ્પેસિફિકેશન

આ ડિવાઇસ કેટલાક યુરોપીયન દેશોમાં ઉપલબ્ધ છે. એટલે તેના તમામ સ્પેસિફિકેશન સામે આવી ગયા છે. Moto E32s એક 6.5 ઇંચની IPS LCD ડિસ્પ્લેને 90Hz રિફ્રેશ રેટ, 1600 x 720 પિક્સલ રિઝોલ્યૂશન સાથે આવે છે. હુડ હેઠળ ડિવાઇસ એક ઓક્ટા-કોર મીડિયાટેક હેલિયો જી37 પ્રોસેસર દ્વારા સંચાલિત છે.

યુરોપમાં ફોન બે વેરિએન્ટમાં લોન્ચ કરવામાં આવ્યો છે, જેમાં  3GB RAM અને 32GB ઇન્ટરનલ સ્ટોરેજ અને 4GB + 64GB. ભારતમાં સામાન રેમ અને સ્ટોરેજ વિકલ્પ મળશે કે નહીં તેના વિશે કોઈ સ્પષ્ટતા કરવામાં આવી નથી. 15W વોટ ફાસ્ટ ચાર્જિંગ સાથે ફોનમાં 5,000mAh ની બેટરી આપવામાં આવી છે.

E32s ત્રિપલ રિયર કેમેરા સેટઅપ સાથે આવે છે, જેમાં 16MP નો મુખ્ય કેમેરો, 2 મેગાપિક્સલનું ડેપ્થ સેન્સર અને 2MP નું મેક્રો શૂયર છે. સેલ્ફી અને વીડિયોકોલ માટે ફ્રંટમાં 8 મેગાપિક્સલનો કેમેરો આપવામાં આવ્યો છે. આ ડિવાઇસ સ્લેટ ગ્રે અને મિસ્ટી સિલ્વર રંગ વિકલ્પોમાં ઉપલબ્ધ છે. અન્ય વિશેષતાઓમાં સાઇટ-માઉન્ટેડ ફિંગરપ્રિન્ટ સ્કેનર, ફેસ અનલોક સપોર્ટ, IP52 વોટર-રેપેલેન્ટ ડિઝાઇન છે.