Gujarati News

મુંબઇ તા. ૧ : આવકવેરા વિભાગના દરોડા આવકવેરા વિભાગે દેશના શરાબના વેપારીઓ સિવાય ઘણા જૂથોના સ્‍થળો પર દરોડા પાડ્‍યા છે. આવકવેરા વિભાગે બુધવારે સવારે દેશભરમાં ૪૦૦ થી વધુ સ્‍થળોએ દરોડા પાડ્‍યા હતા. વિભાગને કરચોરીની શંકા છે.
આઈ.એ.એસ. આવકવેરા વિભાગે દેશભરમાં દારૂના ધંધાર્થીઓ સામે મોટી કાર્યવાહી હાથ ધરી છે. આવકવેરા વિભાગે દારૂના વેપારીઓના ૪૦૦ સ્‍થળો પર દરોડા પાડ્‍યા છે. એજન્‍સીના સૂત્રોએ જણાવ્‍યું હતું કે આવકવેરા વિભાગે બુધવારે દેશભરમાં દારૂના વેપારીઓ સહિત વિવિધ જૂથોના લગભગ ૪૦૦ સ્‍થળોએ સર્ચ ઓપરેશન શરૂ કર્યું હતું.
આવકવેરાની ટીમો હરિયાણાના ગુરુગ્રામ, મુંબઈ, દિલ્‍હી સહિત પાંચ રાજયોમાં સર્ચ ઓપરેશન ચલાવી રહી છે. આઇટી ટીમ બુધવારે સવારે બાંદ્રા કુર્લા કોમ્‍પ્‍લેક્‍સ સ્‍થિત એમ્‍બેસી ગ્રુપની ઓફિસે પહોંચી હતી. આ દરમિયાન કોઈને પણ ઓફિસમાંથી બહાર જવાની કે અંદર જવાની પરવાનગી આપવામાં આવી ન હતી.
આ સિવાય ગુરુગ્રામમાં દારૂનો ધંધો કરતા વેપારીની ઓફિસ પર પણ દરોડા પાડવામાં આવ્‍યા હતા. આવકવેરા વિભાગને શંકા છે કે આ ઉદ્યોગપતિઓ કરચોરીમાં સામેલ હોઈ શકે છે.