Gujarati News

નવી દિલ્હીઃભારતીય નૌકાદળ તાજેતરમાં મંજૂર કરાયેલ બ્રહ્મોસ સુપરસોનિક ક્રુઝ મિસાઈલથી સજ્જ મોબાઈલ કોસ્ટલ બેટરીને દરિયાકાંઠાના વિસ્તારોમાં તૈનાત કરશે. આ બેટરીઓ પૂર્વ અને પશ્ચિમ બંને તરફથી આવતા જોખમોને બેઅસર કરવા માટે દરિયાઈ વ્યૂહાત્મક સ્થળોએ તૈનાત કરવામાં આવશે.

સંરક્ષણ મંત્રાલયે મોબાઇલ કોસ્ટલ મિસાઇલ બેટરીને મંજૂરી આપી હતી અને આ સંબંધમાં 30 માર્ચે બ્રહ્મોસ એરોસ્પેસ કોર્પોરેશન સાથે કરાર કરવામાં આવ્યો હતો. તેમની નિવૃત્તિના એક દિવસ પછી ભૂતપૂર્વ નેવી ચીફ વાઈસ એડમિરલે જણાવ્યું હતું કે, અમે પૂર્વ અથવા પશ્ચિમ તરફથી કોઈપણ ખતરા પર દેખરેખ રાખવા અને તેને નિષ્ક્રિય કરવા માટે વ્યૂહાત્મક સ્થળોએ નેક્સ્ટ જનરેશનની મોબાઈલ મિસાઈલ કોસ્ટલ બેટરીને તૈનાત કરી શકીશું.

બ્રહ્મોસ એરોસ્પેસ 2027થી તેમની ડિલિવરી શરૂ કરશે. આ બેટરીઓ વિશ્વની સૌથી ઝડપી અને ઘાતક સુપરસોનિક ક્રૂઝ મિસાઇલોથી સજ્જ હશે. આનાથી ભારતીય નૌકાદળને બહુ-દિશામાં દરિયાઈ હુમલામાં મદદ મળશે. એટલે કે નેવી એક સાથે પાણી, જમીન અને હવા ત્રણેય દિશામાં હુમલો કરી શકે છે. તેનાથી નેવીની તાકાતમાં વધારો થશે.