Gujarati News

નવી દિલ્‍હી તા. ૧ : નાણાકીય વર્ષ ૨૦૨૩-૨૪ના પહેલા જ દિવસે લોકોને મોટી રાહત મળી છે. જયારે ઘરેલુ રસોઈ ગેસના ભાવમાં કોઈ ફેરફાર કરવામાં આવ્‍યો નથી, ત્‍યારે ૧૪.૨ કિલોનો ગેસ સિલિન્‍ડર તે જ કિંમતે ઉપલબ્‍ધ થશે જે તે ગયા મહિને ઉપલબ્‍ધ હતો. જો કે, ગયા મહિને કેન્‍દ્રએ ઘરેલુ રાંધણ ગેસના ભાવમાં રૂ. ૫૦નો વધારો કર્યો હતો.

સાથે જ કોમર્શિયલ ગેસ સિલિન્‍ડરના ભાવમાં પણ ઘટાડો કરવામાં આવ્‍યો છે. સૂત્રોના જણાવ્‍યા અનુસાર સરકારી ગેસ કંપનીઓએ કોમર્શિયલ ગેસ સિલિન્‍ડરના ભાવમાં રૂ. ૯૧.૫૦નો ઘટાડો કર્યો છે. તેથી, હવે દિલ્‍હીમાં ૧૯ કિલોના કોમર્શિયલ સિલિન્‍ડરની કિંમત ૨,૦૨૮ રૂપિયા થશે.

ઘરેલું ગેસ સિલિન્‍ડરની સરખામણીમાં કોમર્શિયલ ગેસ સિલિન્‍ડરના ભાવમાં વધુ વધઘટ થાય છે. ૧ એપ્રિલ, ૨૦૨૨ના રોજ, દિલ્‍હીમાં ૧૯ કિલોનું કોમર્શિયલ ગેસ સિલિન્‍ડર ૨,૨૫૩ રૂપિયામાં ઉપલબ્‍ધ હતું. આ જ સિલિન્‍ડર આજે ૨,૦૨૮ રૂપિયામાં ઉપલબ્‍ધ છે. તેથી, છેલ્લા એક વર્ષમાં, દિલ્‍હીમાં કોમર્શિયલ ગેસ સિલિન્‍ડરની કિંમતોમાં ૨૨૫ રૂપિયાનો ઘટાડો કરવામાં આવ્‍યો છે.

સરકારી ગેસ કંપનીઓ દર મહિનાના પ્રથમ દિવસે એલપીજીના ભાવમાં સુધારો કરે છે અને નવા દર જારી કરે છે. માર્ચની શરૂઆતમાં, એલપીજી ગ્રાહકોને આંચકો લાગ્‍યો હતો, કારણ કે ઘરેલું ગેસ સિલિન્‍ડરની કિંમતમાં ૫૦ રૂપિયાનો વધારો કરવામાં આવ્‍યો હતો, જયારે કોમર્શિયલ સિલિન્‍ડરની કિંમતમાં ૩૫૦ રૂપિયાનો વધારો કરવામાં આવ્‍યો હતો.

કયા રાજયમાં કોમર્શિયલ સિલિન્‍ડરની કિંમત કેટલી છે?

દિલ્‍હી      ૨૦૨૮

કોલકાતા  ૨૧૩૨

મુંબઈ      ૧૯૮૦

ચેન્નાઈ     ૨૧૯૨.૫૦

શ્રીનગર   ૧,૨૧૯

દિલ્‍હી      ૧,૧૦૩

પટના     ૧,૨૦૨

લેહ        ૧,૩૪૦

આઈઝોલ  ૧૨૫૫

આંદામાન ૧૧૭૯

અમદાવાદ ૧૧૧૦

ભોપાલ    ૧૧૧૮.૫

જયપુર    ૧૧૧૬.૫

બેંગ્‍લોર    ૧૧૧૫.૫

મુંબઈ      ૧૧૧૨.૫

કન્‍યાકુમારી ૧૧૮૭

રાંચી      ૧૧૬૦.૫

શિમલા    ૧૧૪૭.૫

દિબ્રુગઢ    ૧૧૪૫

લખનૌ     ૧૧૪૦.૫

ઉદયપુર   ૧૧૩૨.૫

ઇન્‍દોર     ૧૧૩૧

કોલકાતા  ૧૧૨૯

દેહરાદૂન   ૧૧૨૨

વિશાખાપટ્ટનમ     ૧૧૧૧

ચેન્નાઈ     ૧૧૧૮.૫

આગ્રા      ૧૧૧૫.૫

ચંદીગઢ    ૧૧૧૨.૫