Gujarati News

નવી દિલ્હી:  તાઇવાનમાં મંગળવાર વહેલી સવારે ભૂકંપના અનેક આંચકા અનુભવાયા હતાં. જેમાં સૌથી શકિતશાળી ભૂકંપની તીવ્રતા ૬.૧ હતી તેમ યુએસ જીઓલોજિકલ સર્વે (યુએસજીએસ)એ એક નિવેદનમાં જણાવ્યું છે. ભૂકંપમાં કોઇ જાનહાનિ થઇ નથી પણ બે બહુમાળી ઇમારતોને વધુ નુકસાન થયું છે જે આ મહિનાની શરૂઆતમાં આવેલા ૭.૪ તીવ્રતાના ભૂકંપ પછી ખાલી કરાવી દેવામાં આવી હતી. તે વખતે ભૂકંપને કારણે ૧૩ લોકોનાં મોત થયા હતાં અને ૧૦૦૦ લોકો ઘાયલ થયા હતાં. યુએસજીએસના જણાવ્યા અનુસાર આજે આવેલા ૬.૧ તીવ્રતાના ભૂકંપનું કેન્દ્ર  હુઆલિયન શહેરથી ૨૮ કિમી દક્ષિણમાં અને જમીનથી ૧૦.૭ કિમી નીચે હતું. તાઇવાનના મોનિટરિંગ સેન્ટર અનુસાર શરૂઆતમાં આવેલા ભૂકંપના આંચકાની તીવ્રતા ૬.૩ હતી. અલગ અલગ મોનિટરિંગ સેન્ટર દ્વારા નોંધવામાં આવેલી તીવ્રતામાં સામાન્ય અંતર સ્વભાવિક છે.