Gujarati News

Gujarati News

News of Thursday, 17th September 2020

આ લંડનનું સૌથી પાતળું ઘર,પહોળાઈ જસ્ટ ૫ ફુટ ૫ ઇંચ-કિંમત ૯ કરોડ રૂપિયા

ઘરમાં બે બેડરૂમ, એક ડાઇનિંગ રૂમ, એક બાથરૂમ અને એક ટેરેસ છે

લંડન,તા.૧૭ : મોટાં શહેરોમાં નાની જગ્યાઓની પણ ઘણી ડિમાન્ડ હોય છે. બીજા શહેરમાંથી આવતા સ્ટુડન્ટ્સ તેમ જ પ્રોફેશનલ્સ મોટે ભાગે આવાં ઘરોને પસંદ કરતા હોય છે. લંડનમાં આવું જ એક ઘર વેચાવા માટે નીકળ્યું છે જે અન્ય ઘરની તુલનાએ ખૂબ જ પાતળું છે અને એની એ જ વિશેષતા લોકોને આકર્ષી રહી છે. પહોળાઈ માત્ર પાંચ ફુટ અને પાંચ ઇંચની છે જે એક એવરેજ વ્યકિતની હાઇટ જેટલું કહેવાય. એમ છતાં આ ઘરની કિંમત એક મિલ્યન પાઉન્ડ એટલે કે લગભગ નવ કરોડ રૂપિયા મંડાઈ રહી છે. અગિયાર વર્ષ પહેલાં જયારે આ ઘર વેચાયેલું એના કરતાં આ નવી રકમ બમણી છે. આ ઘર પહોળું ભલે નથી પરંતુ એમાં લકઝુરિયસ સ્વિસ ડેકોર સાથે સુશોભિત ફર્શ, ડેકોરેટિવ બાથરૂમ અને પેટર્નવાળાં વોલપેપર એને આકર્ષક બનાવે છે. ઘરમાં બે બેડરૂમ, એક ડાઇનિંગ રૂમ, એક બાથરૂમ અને એક ટેરેસ છે.

(2:42 pm IST)
  • ડ્રગ્સ રેકેટ મામલે સંસદમાં ચર્ચા બાદ આજે રાજ્યસભા જયા બચ્ચને કહ્યું કે, હું રવિ કિશનની વાત સાથે સહેમત, યુવાનોને ડ્રગ્સની લતથી બચાવવાની જરૂર: પરંતુ સમગ્ર બોલીવુડને દોષ આપવો ખોટો છે access_time 1:04 am IST

  • ગુજરાત ઉપરાંત દિલ્હી ,ઉત્તરાખંડ ,તામિલનાડુ ,તથા ઉત્તર પ્રદેશમાં 21 સપ્ટેમ્બરથી સ્કૂલો નહીં ખુલે : હરિયાણામાં સ્કૂલો ખુલી જશે : છત્તીસગઢ અને બિહાર હજુ સુધી અવઢવમાં : અનલોક 4 દરમિયાન 21 સપ્ટેમ્બરથી સ્કૂલો ફરીથી ચાલુ કરી શકવાના કેન્દ્ર સરકારના સૂચન સાથે મોટા ભાગના રાજ્યો અસંમત access_time 12:11 pm IST

  • સરદાર સરોવર ડેમની સપાટી 138 મીટર : નર્મદા ડેમ અંગે અંગે નાયબ મુખ્યમંત્રી નીતિનભાઈ પટેલે કહ્યું- સરદાર સરોવર ડેમની સપાટી 138 મીટર થઈ:ડેમમાં હાલ પાણીની આવક ચાલુ: વડાપ્રધાન મોદીના જન્મ દિવસે નર્મદા ડેમ ભરાઈ જશે: ઉદ્યોગો, પશુઓ અને ખેતીને ફાયદો થશે: પાણીની આવકના કારણે પાવર હાઉસ ચાલુ છે. access_time 12:52 am IST