Gujarati News

વોશિંગટન,તાફ૧૬: અમેરિકામાં એક શખ્સનો સોફ્ટ ડ્રિન્ક પીવાનો શોખ વર્લ્ડ રેકોર્ડમાં બદલાઈ ગયો. ન્યૂયોર્કના એક વ્યકિતએ માત્ર ૧૮ સેકન્ડમાં જ બે લીટર સોડા પીને પોતાનું નામ ગિનીસ વર્લ્ડ રેકોર્ડમાં નોંધાવ્યું છે. એરીક બેડલેન્ડ્સ બૂકર નામના અમેરિકને સોડા પીતા પોતાનો વિડીયો પણ રેકોર્ડ કર્યો છે. એરિકે તેના આ અનોખા ટેલેન્ટનો વિડીયો ગિનીસ વર્લ્ડ રેકોર્ડની સત્ત્।ાવાર યૂટ્યૂબ ચેનલ પર શેર કર્યો છે.

વિડીયોની શરૂઆતમાં એરિક એક જારમાં સોડા નાખે છે અને પોતાના રેકોર્ડ વિશે વાત કરી રહ્યો છે. સોડાનું પ્રમાણ માપ્યા બાદ તે જારને પીવા માટે ઉઠાવે છે અને આંખના પલકારામાં જ ખાલી કરીને મુકી દે છે. સ્ટોપવોચમાં જોવાથી જણાય છે કે, તેણે માત્ર ૧૮.૪૫ સેકન્ડમાં જ બે લીટર સોડા પી લીધી. ઓનલાઈન શેર કરવામાં આવ્યા પછી વિડીયોને યૂટ્યૂબ પર ૫૫ હજારથી પણ વધુ લોકો જોઈ ચૂકયા છે.

વિડીયો પર કમેન્ટ કરતા કેટલાંક લોકોએ એરિકને શુભેચ્છાઓ પણ પાઠવી. લોકોએ કહ્યું કે, એરિકની જેમ કોલા પીતી વખતે કોઈનો અવાજ ના સાંભળ્યો. તો કેટલાંક યૂઝરે લખ્યું કે, એરિક આખો સમુદ્ર પી શકે છે. એરિક મોટાભાગે પોતાની યૂટ્યૂટ ચેનલ બેડલેન્ડ્સચુગ્સ પર ઝડપથી ખાવા પીવાનો પોતાનો વિડીયો શરે કરતો રહેતો હોય છે. જો કે, ઝડપથી ખાવા-પીવાનું એક માત્ર ટેલેન્ટ નથી. એરિક એક રેપર પણ છે અને અત્યાર સુધીમાં તે ૯ રેપ વિડીયો રિલીઝ કરી ચૂકયો છે.

આ પહેલીવાર નથી બન્યુ કે કોઈએ અજીબોગરીબ ટેલેન્ટથી પોતાનું નામ વર્લ્ડ રેકોર્ડમાં નોંધાવ્યું હોય. આવા લોકોની યાદી ખૂબ જ લાંબી હોય છે. જેમના નામે અજીબોગરીબ રેકોર્ડ નોંધાયા છે. આવો જ એક રેકોર્ડ સ્ટીવન રપ્પેલ નામના એક અમેરિકને પણ બનાવ્યો હતો. તેણે માત્ર ૩૮.૨૨ સેકન્ડમાં એક લીટર ગ્રેવી પીવાનો રેકોર્ડ પોતાના નામે કર્યો હતો.