Gujarati News

ન્‍યુયોર્ક,તા. ૧૨: અમેરિકામાં છોકરીએ શારિરિક સંબંધ બાંધવા માટે છોકરાઓ સાથે છેડતી કર્યાનો ચોંકાવનારો કિસ્‍સો સામે આવ્‍યો છે. એલિસા ઝિન્‍ગર નામની ૨૨ વર્ષીય છોકરીએ અન્‍ય નાની ઉંમરના છોકરાઓને પોતાની પ્રેમ જાળમાં ફસાવ્‍યા હતા. એટલું જ નહીં તેની સાથે છેડતી કરી અને શરીર સંબંધ બાંધવા માટે પણ સામેથી પ્રેરણા આપી હતી. આ દરમિયાન તેને વીડિયો પણ ઉતાર્યા હોવાનો દાવો કરાઈ રહ્યો છે. આ છોકરી એક પછી એક આવા કુમળી ઉંમરના છોકરાઓને ટાર્ગેટ કરતી અને બાદમાં પિંખી નાખતી હતી. આના બદલ તેની અગાઉ પણ પોલીસે ધરપકડ કરી હતી.

અમેરિકાનો આ ચોંકાવનારો કેસ છે. આ છોકરી સતત પોતાના શરીર સુખની ઈચ્‍છાને સંતોષવા માટે જુદા જુદા છોકરાઓને ટાર્ગેટ કરતી હતી. એલિસા ઝિંગરની ગત સપ્તાહે ધરપકડ કરવામાં આવી હતી. તેની સામે કુલ ૧૧ ગુનાઓ પણ નોંધવામાં આવ્‍યા છે. જેમાં છોકરાઓની છેડતી, શારિરિક સતામણી, ફોટો અને વીડિયો વાયરલ કરવાની ધમકી આપવી અને ન કરવાનું કરી પજવણી કરતી હોવાનો પણ ઉલ્લેખ કરાયો છે. તેની સામે અત્‍યારે સાયબર ક્રાઈમ પણ નોંધાયો છે. ઉલ્લેખનીય છે કે થોડા સમય પહેલા આ અમેરિકન છોકરી જેલથી બહાર હતી પરંતુ બાદમાં અન્‍ય ઘણા ગુનાઓના કારણે તેના બોન્‍ડ રિજેક્‍ટ કરાયા હતા.

અમેરિકન છોકરીની આવી છેડતી અને બળજબરી પૂર્વક બાંધવામાં આવેલા શરીર સંબંધના કિસ્‍સાઓથી પીડિત બીજા ૪ છોકરાઓની ઓળખ પણ થઈ ગઈ છે. તે ગર્લ ફ્રેન્‍ડ બનીને ખોટા ખોટા સપના બતાવતી અને બાદમાં છોકરાઓને પિંખી નાખી તેમને બ્‍લેકમેલ પણ કરતી હતી. તે જુદા જુદા સોશિયલ મીડિયા હેન્‍ડલ પરથી આવા છોકરાઓ ફસાવતી હતી. શરૂઆતમાં તેમની સાથે સારી સારી વાતો કરે અને બાદમાં તેમને આવી રીતે બોલાવી લાજ લૂંટી લેતી હતી.

જોકે એલિસા ઝિન્‍ગરના એટર્નીએ આર્ગુમેન્‍ટ કરી કે આ પ્રાઈવેટ વીડિયોમાં છોકરી અને છોકરી બંને દેખાય છે. એનો અર્થ થાય છે કે તેણે વીડિયો કેપ્‍ચર નથી કર્યો કોઈક બીજાએ કર્યો છે. એવો પણ દાવો કરાઈ રહ્યો છે કે આ છોકરી ઈમોશનલ અને મેન્‍ટર ટ્રોમામાંથી પસાર થઈ છે. તેની પરવરીશ એવા પેરેન્‍ટ્‍સ વચ્‍ચે થઈ છે જેમાં ઘણા બધા પડકારો સામે આવ્‍યા હતા. જોકે સામા પક્ષે એવા આરોપ લગાવાયા છે કે આ છોકરીના માતા-પિતાએ પણ તમામ પુરાવાઓ સંતાડી દેવામાં મદદ કરી હતી. તેમણે બોડી કેમેરા ફૂટેજ પણ કોર્ટમાં બતાવ્‍યા હતા. આ સમયે અમેરિકન છોકરીના પિતા એક ફોન ડિટેક્‍ટિવને આપી રહ્યા હોવાનું જોવા મળે છે.

આ સમયે છોકરીને જેલમાંથી બહાર આવવા માટે પ્રિ-ટ્રાયલ રિલિઝ અપ્રૂવ કરવા પણ અપિલ કરાઈ હતી. જેમાં કહેવાયું હતું કે તેણે આની જેટલી પણ કંડિશન છે તે તમામ ફોલો કરી છે અને કોઈનું પણ ઉલ્લંઘન નથી કર્યું. તે ક્‍યાંક ફરાર પણ થઈ શકી હોત પરંતુ તે અહીં જ રહી કારણ કે તેને જાણ હતી કે કદાચ વધારે ચાર્જ પણ તેના પર લાગી શકે છે. જોકે આ સાંભળી જજ લોરા વોર્ડે એટલું જ કહ્યું કે અહીં બીજા બધા છોકરાઓ પ્રોબ્‍લેમ નથી પરંતુ તુ પોતે જ પ્રોબ્‍લેમ છે. તારા એક્‍શન અને તે જે આ છોકરાઓ જોડે કર્યું એ ગેરકાયદેસર છે. આ બધુ અયોગ્‍ય છે. હવે આમાં કોણે વીડિયો ઉતાર્યો અને કોને અનુમતિ આપી એ બધું ગૌણ છે. પરંતુ તુ તો એડલ્‍ટ હતી તો તારે આ બધુ ન કરવું જોઈએ.