Gujarati News

નવી દિલ્હી: હાલમાં સોશ્યલ મીડિયા પર એક વિડિઓ ખાસ્સો ચર્ચામાં છે. વિડીયો એક આગની ઘટનાનો છે. જેને શેર કરીને લોકો પ્રાર્થના કરી રહ્યા છે કે બિલ્ડિંગમાં લોકો સુરક્ષિત હોય. આ વિડીયો દક્ષિણ કોરિયાના ઉલસન શહેરનો છે. અહીં એક 33 માલની બિલ્ડિંગમાં શુક્રવારે સવારે આગ ફાટી નીકળી. આગ એટલી ભીષણ હતી કે 88 લોકો આ આગમાં દાઝી ગયા. આગ લાગવાને કારણે અનેક લોકોને રેસ્ક્યુ કરવા પડયા હતા. દક્ષિણ કોરિયાના ગૃહ અને સુરક્ષા મંત્રાલયે જણાવ્યું છે કે આ આગમાં દાઝેલા લગભગ 88 લોકોની સારવાર ચાલી રહી છે.આગ એટલી ભયંકર હતી કે જમીની સ્તરેથી તેને કાબુ કરવું મુશ્કેલ હતું. આખરે ફાયર વિભાગે હેલીકૉપ્ટરનો ઉપયોગ કરીને આ ભયંકર આગ પર કાબુ મેળવ્યો. અધિકારીઓએ જણાવ્યું છે કે સવારે 9 વાગ્યા સુધીમાં આગ પર સંપૂર્ણ કાબુ મેળવી લેવામાં આવ્યો છે.