Gujarati News

અમદાવાદ :કેન્દ્રીય ગૃહ મંત્રી તથા સહકાર મંત્રી અમીતભાઈ  શાહ ત્રણ દિવસની ગુજરાતની મુલાકાતે આવેલા છે. આ મુલાકાત દરમિયાન તેઓ વિવિધ વિકાસકાર્યોની સમીક્ષા પણ હાથ ધરશે. આવતીકાલે તા.30મી ઓગસ્ટના રોજ અમદાવાદ જિલ્લાના સાણંદ તાલુકાના નિધરાડ ખાતે સગર્ભા બહેનોને પૈષ્ટિક લાડું વિતરણ કાર્યક્રમમાં ઉપસ્થિત રહેશે. કેન્દ્રીય ગૃહ મંત્રીના આ કાર્યક્રમથી અમદાવાદ જિલ્લાના સાણંદ, બાવળા અને દસક્રોઇ તાલુકાના 3844 સગર્ભા બહેનોને લાભાન્વિત થશે.

સહી પોષણ, દેશ રોશન તેમજ હર ઘર પોષણના વિચારને સાર્થક કરતાં આ કાર્યક્રમના લાભાર્થી બહેનોને સંબોધીને કેન્દ્રીય ગૃહમંત્રીએ પત્ર પણ લખ્યો છે. જેમાં તેમણે સગર્ભા બહેનોને પોષક અને સમતોલ આહાર લેવાનો આગ્રહ કરતાં કહ્યું છે કે, સગર્ભાવસ્થાથી બાળકની બે વર્ષની ઉંમર સુધીનો 1 હજાર દિવસનો સમયગાળો સુવર્ણ દિવસ ગણાય છે ત્યારે આ સમય દરમિયાન માતા અને બાળકની તંદુરસ્તી અને સલામતિ એ પરિવારની અને સમાજની જવાબદારી છે.

 અત્રે ઉલ્લેખનીય છે કે, ગઇકાલે તા.28મી ઓગસ્ટના રોજ ગુજરાતની મુલાકાતે આવેલા કેન્દ્રીય ગૃહમંત્રી અમીતભાઈ  શાહ આવતીકાલ 30મી ઓગસ્ટ સુધી ગુજરાતની મુલાકાતે છે. આ મુલાકાત દરમિયાન તેઓ વિવિધ વિકાસકાર્યોની સમીક્ષા પણ હાથ ધરશે. ગઇકાલે 28મીના રોજ અમદાવાદ જિલ્લા કલેકટર કચેરીમાં યોજાયેલ ડિસ્ટ્રીક્ટ ડેવલોપમેન્ટ કો-ઓર્ડીનેશન અને મોનીટરીં કમિટી ( દિશા )ની બેઠકમાં અમદાવાદ જિલ્લા તથા શહેર જિલ્લાની કમગીરીની સમીક્ષા કરી હતી. આજે ગાંધીનગરમાં સમાવિષ્ટ અમદાદ શહેરના વિકાસકામોની સમીક્ષા કરી હતી. આવતીકાલે સોમવારે નિધરાડ ખાતે લાડું વિતરણ કાર્યક્રમમાં હાજરી આપશે.