Gujarati News

પાલનપુરઃ અહીયા છેલ્લા કેટલાક દિવસોથી પાકિસ્તાનના કેટલાક શખ્સો થકી સોશ્યલ મિડીયા દ્વારા વોટ્સએપમાં ચેટિંંગ થઇ રહ્યાની વાત વાયુવેગે પ્રસરવા લાગતા યુઝરોમાં ચિંતાની લાગણી પણ પ્રસરવા લાગી છે.

આ અંગે ચર્ચાતી વિગતોનુસાર પાડોશી દેશ પાકિસ્તાનના કેટલાક શખ્સો સોશિયલ મીડિયા દ્વારા ભારતમાં નેટવર્ક સ્થાપિત કરવાના પ્રયાસમાં સક્રિય હોવાનો ચોંકાવનારો ખુલાસો થયો છે જેમાં બનાસકાંઠા જિલ્લા મથક પાલનપુરમાં આવું ગ્રુપ અસ્તિત્વમાં આવ્યા બાદ અનેક યુવકોને જોડી ચેટીંગ પણ કરવામાં આવી રહ્યું છે. ત્યારે દેશની આંતરિક સુરક્ષા ઉપર ખતરારૂપ થઇ શકે તેવી પ્રવૃતિ ડામવા માટે જાગૃત નાગરિકોની માંગણી છે.

કહેવાય છે કે, પાકિસ્તાનના હૈદરાબાદ સ્થિત કોઇ અજાણ્યા શખ્સ દ્વારા ક્રિએટ કરાયેલા વોટસએપ ગ્રુપમાં પાલનપુરના યુવકોને જોડી અવાર-નવાર ગૃપમાં ચેટીંગ પણ કરવામાં આવે છે તો ખરેખર ઇરાદો શુ છે? તે પણ તપાસનો વિષય બની જાય છે