Gujarati News

મહેસાણાના વડનગરના બાજપુરા ગામે આરોગ્ય ટીમ પર હુમલાનો પ્રયાસ થયો છે. રસી આપવા ગેયલી આરોગ્યની ટીમ પર હુમલાનો પ્રયાસ થયો છે.આરોગ્યની ટીમે વડનગર પોલીસને જાણ આ અંગે જાણ કરી હતી

મળતી માહિતી પ્રમાણે મહેસાણા જિલ્લાના વડનગર તાલુકાના બાજપુરા ગામે રસીકરણ માટે આરોગ્ય કર્મચારીઓની ટીમ ગામમાં પહોચી હતી. ત્યાં અમુક ગ્રામજનોએ રસી ન લેવા માટે આરોગ્ય કમર્ચારીઓ સાથે માથાકૂટ કરી હતી અને મામલો બીચકયો હતો. જે બાદ આરોગ્ય કર્મચારીઓની ટીમ પર હુમલો કરવાનો પ્રયાસ કરવામાં આવ્યો હતો. આ ઘટના અંગે પોલીસને જાણ કરવામાં આવી હતી, પણ પોલીસ ઘટનાસ્થળે પહોંચી ન હતી. આ ઘટના બાદ અન્ય ગ્રામજનોની સમજાવટથી મામલો થાળે પડ્યો હતો.