Gujarati News

Gujarati News

News of Wednesday, 25th November 2020

નવસારીમા એલસીબીએ સુરતના ચાર ચોરને ઝડપ્યા : કબીલપોર ગામ પાસેથી 3347 મિરાજ તબાકુના બોક્સ સાથે ટેમ્પોમાં ચોરીને ભાગ્યા હતા

સુરતમાં મજૂરી છૂટી જતા ચોરીના રવાડે ચડ્યા: પ્રથમ ચોરી કર્યા બાદ પોલીસના હાથે ઝડપાઇ ગયા

નવસારી: સુરતમાં મજૂરી કરતા 4 મજૂરોને પૈસાની તંગી ઊભી થતા મહેનત કરવાની જગ્યાએ તેમના શૈતાન દિમાગમાં ચોરી કરવાનો વિચાર આવ્યો હતો. જેથી 7મી નવેમ્બરની રાતે ચોરીની ઘટનાને અંજામ આપવા નીકળ્યા હતા અને નવસારીના કબીલપોર ગામે હાઇ-વે નંબર 48ને અડીને આવેલી કેજલ હોસ્પિટલ પાસેના ગોડાઉનમાંથી 78 પૂંઠામાં પેકિંગ કરેલા 3,347 મિરાજ તમાકુના બોક્ષ છોટા હાથી ટેમ્પોમાં ચોરીને ભાગી છૂટ્યા હતા.

 સમગ્ર મુદ્દે ગ્રામ્ય પોલીસ મથક ખાતે ફરિયાદ નોંધાયા બાદ નવસારી LCBને તપાસ સોંપાતા પોલીસે ગણતરીના દિવસોમાં આરોપીઓનું પગેરૂ શોધી નવસારીના ગુરુકુલ સુપા ગામ નજીક પૂર્ણાં નદીના પુલના છેડેથી ઝડપી લીધી હતા. મૂળ રાજસ્થાન અને હાલ સુરતમાં રહેતા આરોપીઓ પાસેથી 6 લાખના તમાકુનો જથ્થો, છોટા હાથી ટેમ્પો મળીને કુલ 7.23 લાખનો મુદ્દામાલ કબ્જે કરી વધુ તપાસ હાથ ધરી છે.

(10:16 am IST)
  • રાજસ્થાનમાં વધુ ૧૯ મોત: નવા 3314 કેસ : રાજસ્થાનમાં વધુ 19 મોત સાથે કોવિદનો મૃત્યુઆંક વધીને 2200 ઉપર પહોંચ્યો છે. નવા 3,314 કોરોનાના કેસો નોંધાતા કુલ કોરોના કેસોનો આંક 2,50,482 પર પહોંચ્યો છે. access_time 9:54 pm IST

  • અહેમદભાઈના પાર્થિવ દેહને સાંજ સુધીમાં ખાસ વિમાન દ્વારા ગુજરાત લાવવામાં આવશે : ભરૂચ નજીક તેમના વતન પીરાણા ખાતે સંભવતઃ આવતીકાલે દફનવિધિ થશે access_time 12:52 pm IST

  • લક્ષ્મી વિલાસ બેંકનું DBILમાં વિલીનીકરણઃ કેબિનેટની મંજુરી: સંકટમાં ફસાયેલી લક્ષ્મી વિલાસ બેંકને DBS બેંક ઇન્ડીયા લીમીટેડમાં વિલીનીકરણને કેન્દ્રીય કેબિનેટે મંજુરી આપી છેઃ રિઝર્વ બેંક ૧૭મીએ બેંકને ૧ માસના મોરેટોરિયમમાં નાખી દીધી હતી. ર૦ લાખ થાપણદારો અને ૪૦૦૦ કર્મચારીઓને રાહત થઇ કેન્દ્રના નિર્ણયથીઃ કર્મચારીઓની નોકરી યથાવત રહેશે. access_time 4:00 pm IST