Gujarati News

Gujarati News

News of Thursday, 25th February 2021

રાજપીપળા વીજ કંપનીની લાલીયાવાડીથી કોલેજના ગેટ સામે જ મોટી દુર્ઘટના થતા અટકી

છાસવારે મેન્ટેનન્સ માટે આખો દિવસ વીજ પુરવઠો બંધ રાખવા છતાં જરૂરી અને જોખમી કામ ન થતા રોષ: કોલેજ રોડ પર લટકતા જોખમી વાયરો થકી વારંવાર અકસ્માત થાય છે માટે વધારાના થાંભલા ઉભા થાય તે જરૂરી

(ભરત શાહ દ્વારા) રાજપીપળા : રાજપીપળા કોલેજના ગેટ સામેજ આજે સવારે એક એસટી બસે વીજ કંપનીનો લટકતો વાયર તોડી નાંખતા કલાકો વીજ પુરવઠો બંધ રહ્યો જોકે સાંકડા માર્ગ પર લટકતા વાયરો જોખમી હોવા છતાં વચ્ચે પોલ ઉભા ન કરાતા ક્યારેક આ વાયરો જીવલેણ સાબિત થઈ શકે તેમ છે.આજે એક વાયર એસટી બસથી તૂટી જતા સદનસીબે કોઈને નુકશાન થયું નથી પરંતુ કોલેજના ગેટની આસપાસ લબળતા વાયરો ક્યારેક દુર્ઘટના સર્જે તેવા છે માટે પોલ બચાવવા કે ગમે તે કારણે લટકતા જોવા મળતા વાયરો તાત્કાલિક ઊંચા કરાય એ જરૂરી છે. છાસવારે મેન્ટેનન્સ માટે કલાકો વીજ પુરવઠો બંધ કરવામાં આવે છે તે દરમિયાન આવી અનેક જગ્યાઓ પર નવા પોલ ઉભા કરી લોકોના માથે મંડરાતું જોખમ વીજ કંપની દૂર કરે તેવી માંગ ઉઠી છે.

(10:28 pm IST)
  • દેશમાં ફરીવાર કોરોનાના સતત વધતા કેસ :રાત્રે 12 વાગ્યા સુધીમાં કોરોનાના નવા 16,562 કેસ નોંધાયા :કુલ કેસની સંખ્યા 1,10,63,038 થઇ :એક્ટિવ કેસ 1,53,849 થયા: વધુ 12,203 દર્દીઓ સ્વસ્થ થતા કુલ 1,07,48,759 થયા :વધુ 119 લોકોના મોત સાથે કુલ મૃત્યુઆંક 1,56, 861 થયા access_time 1:31 am IST

  • ચૂંટણી પહેલા પેટ્રોલ અને ડીઝલના ભાવોમાં મોટો ઘટાડો આવશે : આગામી પાંચ રાજ્યોની ચૂંટણી પૂર્વે મોદી સરકાર પ્રતિ લીટર ૪ રૂપિયાનો ફ્યુઅલ ટેક્સમાં ઘટાડો કરે તેવી પૂરી સંભાવના હોવાનું ન્યૂઝફર્સ્ટ જણાવે છે. જોકે પેટ્રોલ અને ડીઝલ ને જીએસટીના દાયરામાં ટૂંક સમયમાં લઈ લેવામાં આવે તેવી પણ સંભાવના રહેલી છે. access_time 11:29 am IST

  • ભાગેડુ હીરા વેપારી નીરવ મોદીનું પ્રત્યાર્પણ થશે કે નહીં : લંડન કોર્ટ આપશે ચુકાદો :લંડનની વેડ્સવર્થ જેલમાં બંધ નીરવ મોદી પંજાબ નેશનલ બેન્કના 12 હજાર કરોડના કૌભાંડનો આરોપી : લંડનના વેસ્ટમિનિસ્ટર મેજિસ્ટ્રેટ સમક્ષ જેલથી વિડિઓ કોલિંગ મારફત સુનવણી થશે access_time 12:32 am IST