News of Saturday, 24th February 2018

પોલીસની કામગીરીમાં સતત વધારો : ડયુટી બંદોબસ્‍તમાં કલાકોની ડયુટી: સ્‍ટાફની અછત: સ્‍વાસ્‍થ્‍ય ઉપર પણ અસર

ગાંધીનગર: રાજયમાં પોલીસની કામગીરી સતત વધતી જોવા મળી રહી છે. તેમાં સ્‍ટાફની અછતને લીધે પોલીસને સતત બંદોબસ્‍તમાં કે સતત ડયુટીમાં રહેવું પડી રહ્યું છે. પરીણામે અનેક પોલીસ કર્મચારીઓના સ્‍વાસ્‍થ્‍ય ઉપર અસર થતી જોવા મળી રહી છે.

પોલીસ માટે તો કોઈ તહેવાર જેવુ હોય છે કે તો કોઈ રજા જેવુ. જ્યારે પણ જુઓ ત્યારે તેમને ડ્યુટી અને બંદોબસ્તમાં જોતરાયેલુ રહેવુ પડે છે. ત્યારે કલાકોના કલાકો સુધી ઓવરટાઈઆમ કરતા પોલીસ કર્મચારી માટે કંઈક અલગથી વિચારવાનો સમય આવ્યો હોય તેવુ લાગી રહ્યુ છે. રાજ્યમાં અનેક મહાનગર છે. જેમાં છાશવારે પોલીસને બંદોબસ્તમાં ગોઠવાઈ જવુ પડે છે.

પોલીસને કે પોલીટીકલ ઇવેન્‍ટ  પબ્લિક ઈવેન્ટ તેમણે ખડે પગે રહેવુ પડે છે. એટલી હદે બંદોબસ્ત આવે છે કે પોલીસ સ્ટેશનનો અડધો સ્ટાફ બંદોબસ્તમાં વ્યસ્ત રહે છે. જેથી કાયદો અને વ્યવસ્થાની સ્થિતિ ખાડે જાય છે અને પોલીસને કલાકોની કલાકો ફરજ બજાવવી પડે છે. જેને લઈને અમદાવાદ ગાંધીનગર જેવા શહેરોમાં બંદોબસ્ત માટે અલગ માળખુ તૈયાર કરવામાં આવે તો ચોક્કસ બંદોબસ્ત કરનાર પોલીસને કયા પોઈન્ટ વધારે સાચવવા જેવા છે અને કેટલા પ્રમાણમાં બંદોબસ્ત ફાળવવો તેનો પણ અંદાજ રહે.

રાજયના  પોલીસ ડીપાર્ટમેન્‍ટમાં  સ્ટાફની અછત છે એમાં પણ કેટલાક પોલીસ જવાન કે અધિકારીઓ બંદોબસ્તમાં વ્યસ્ત રહે છે. જેના કારણે સ્થાનિક વિસ્તારમાં પેટ્રોલિંગ થઈ શક્તુ નથી. ચોરીના બનાવોને રોકવામાં પૂર્ણ સફળતા મળતી નથી. તો અરજી કે ફરીયાદની તપાસ પણ પૂર્ણ થઈ શક્તિ નથી. જેને લઈને પોલીસ અને પબ્લિક વચ્ચે અવાર નવાર ઘર્ષણની ઘટના પણ ઘણી વખત બનતી હોય છે.

પોલીસને ઓવરટાઈમ કરવો પડે છે તો સ્વાસ્થ્ય સાથે આડકતરી રીતે ચેડા થાય છે અને આવા હેતુસર ગાંધીનગરમાં બે એસપી રાખવા માટે માંગ કરવામાં આવી છે. હાલમાં ગુજરાત સરકાર દ્વારા વિચારણા ચાલી રહી છે કે ગાંધીનગર માટે બે એસપીની ફાળવણી કરવી કે કેમ, જો રીતે બંદોબસ્ત માટે અલગથી માળખુ તૈયાર કરવામાં આવે તો પોલીસની કામગીરી સરળ થતી જાય અને પ્રજાના કાર્યોમાં પોલસ સમયસર ન્‍યાય આપી શકે.

(1:43 am IST)
  • આજે સાંજે વડાપ્રધાન નરેન્દ્ર મોદી સુરતમાં રન ફોર ન્યુ ઈન્ડિયા કોન્સેપ્ટ પર નાઈટ મેરેથોનને ફ્લેગઓફ કરશે, ત્યારે સુરતમાં ભાજપના કાર્યાલયની બાજુમાં વિવાદિત પોસ્ટર્સ લગાવાયા છે. જેમાં નીરવ મોદી, વિજય માલ્યા, લલિત મોદી, જય શાહની તસ્વીર સાથે રન ફોર ન્યુ ઇન્ડિયા લખાયું છે અને પોસ્ટરના મધ્યમાં પ્રધાનમંત્રી મોદીની તસ્વીર મુકવામાં આવી છે. આ પોસ્ટરથી રાજકીય વર્તુળોમાં ચર્ચા જાગી છે. access_time 1:59 pm IST

  • અત્યારે બપોરના ૪.૪૦ આસપાસ રાજકોટ, મોરબી સહીત સૌરાષ્ટ્ર કચ્છના અનેક ગામોમાં અનુભવાયા ભૂકંપના ઝાટકા : ભચાઉથી ૨૩ કિ.મી. દુર નોંધાયું કેન્દ્રબિંદુ access_time 5:22 pm IST

  • હોળીના તહેવાર પર પ્રવાસીઓની ભીડને ધ્યાનમાં રાખીને ભારતીય રેલવેએ ખાસ વ્યવસ્થા કરી છે. આ માટે 4 જેટલી વિશેષ ટ્રેન ચલાવવાની જાહેરાત કરી છે. આમાં મધ્ય-પૂર્વ રેલવે તરફથી 03561 આસનસોલ-પટના હોળી સ્પેશિયલ, 01657 હબીબગંજ-પટના, 08621 રાંચી-પટના, 03041 હાવડા-રક્સોલ ટ્રેનનો સમાવેશ થાય છે. access_time 4:06 pm IST