Gujarati News

અમદાવાદ,તા.૨૦ : અમદાવાદ શહેરના સરદારનગર વિસ્તારમાં દીકરાએ મોઢા પર દસ્તો મારીને પિતાની હત્યા કરી હોવાની ઘટના સામે આવી છે. મીડિયા રિપોર્ટ મુજબ પિતાની હત્યા પાછળનું કારણ પોતાની પત્નીની છેડતી કરી હોવાની પુત્રને શંકા હતી. આવા આક્ષેપ સાથે પુત્રએ દસ્તો મોઢાના ભાગે મારતા પિતાનું મોત નીપજ્યું હતું. હાલ પોલીસે આરોપી પુત્રની ધરપકડ કરીને કાયદેસરની કાર્યવાહી હાથ ધરી છે. મીડિયા રિપોર્ટ મુજબ સરદારનગરમાં રહેતા પ્રિન્સ ગારંગેને પોતાના મોટા ભાઈ અંકુશનો ફોન આવ્યો કે પપ્પાએ મારી પત્નીની છેડતી કરી છે જેથી હું તેમની સાથે ઝઘડો કરવા જવું છું. ભાઈનો ગુસ્સો જોઈને પ્રિંસ મિત્રને ફોન કરીને ઘરે મોકલ્યો. ત્યારે અંકુશ પોતાના પિતા બ્રિજેશ ઉર્ફે બિરજુભાઈને મારી રહ્યો હતો. આ રમિયાન આરોપી અંકુશે દસ્તાથી પિતાના મોઢાના ભાગે ઘા ઝીકી દીધો હતો.

  જેથી પિતાને ગંભીર ઈજાઓ થતાં સારવાર માટે હોસ્પિટલ ખસેડવામાં આવ્યા હતા. જ્યાં સારવાર દરમિયાન તેમનું મોત નીપજ્યું હતું. મીડિયા રિપોર્ટ મુજબ મૃતકનો નાનો દીકરાએ પિતા પર લાગેલા છેડતીના આરોપોને ખોટા કહી રહ્યો છે જ્યારે મોટી દીકરીએ પોતે જ પોલીસ કંટ્રોલ રૂમમાં ફોન કરીને પિતા ભાભાની છેડતી કરી રહી હોવાનો મેસેજ આપ્યો હતો. જેથી પોલીસે તાત્કાલિક ઘટનાસ્થળે પહોંચ્યા હતા ત્યારે પિતા ઈજાગ્રસ્ત હાલતમાં મળી આવ્યા હતા. સમગ્ર બનાવ અંગે પોલીસે આરોપી પુત્ર સામે ગુનો નોંધીને તેની ધરપકડ કરી છે. શહેરના મણિનગર વિસ્તારમાં આવેલી સુમન સજની સોસાયટીમાં યુવકે તેની માતા અને કાકાને મોતને ઘાટ ઉતાર્યો હોવાની ઘટના બની હતી. હત્યા કર્યા બાદ યુવકે ત્રણ વાર આપઘાતનો પ્રયાસ કર્યો હતો. જો કે, મોત ન થતાં સારવાર માટે હોસ્પિટલમાં દાખલ કરાયો હોવાનું જાણવા મળ્યું છે. યુવકે માતા અને કાકાની હત્યાને આપઘાત દર્શાવવા તેમજ પોલીસને ગેરમાર્ગે દોરવાના પ્રયાસો કર્યા હતા. પરંતુ પોલીસે એફએસએલની મદદ લેતા યુવકે જ માતા અને કાકાને ગળેફાંસો દઈને હત્યા કર્યાનું સામે આવ્યું છે.