Gujarati News

રાજકોટ તા.૧૯:  કાર્યદક્ષ પોલીસ કમિશનર અજયકુમાર તોમરની નિવૃત્તિ બાદ ૭૩ દિવસ સુધી કાયમી કમિશનરની નિમણૂક ન થવાના કારણે યોગાનુયોગ સુરત શહેરમાં ગંભીર પ્રકારના અપરાધો વધી જવાના પગલે-પગલે સુરતમાં રાજકોટ અને વડોદરામાં માથાભારે અપરાધીઓને કાયદાનું ભાન કરાવનાર અનુપમસિંહે ગેહલોત દ્વારા ચાર્જ સાંભળતા સાથે જ સુરત શહેરની આખી પરિસ્‍થિતિ કંટ્રોલ કરવા સાથી અધિકારીઓ તથા તમામ પીઆઇ અને પત્રકારો પાસેથી પરિસ્‍થિતનો ચિતાર મેળવી અપરાધીઓ માથું ઊંચું કરવાની હિંમત ન કરે અને પોલીસની જબ્‍બર ધાક બેસાડવાના મતના હોવાના સ્‍પષ્‍ટ સંકેત આપી દીધા હતા, જેના ભાગરૂપે પીસીબી પીઆઇ આર. એસ. સુવેરા સાથે બેઠક કરી તાકીદે આવા અપરાધીઓ સામે પાસા અને તડીપાર અપરાધી અંગે દરખાસ્‍ત કરવા જણાવ્‍યા બાદ પીસીબી પીઆઇ આર એસ. સુંવેરા ટીમ દ્વારા રાત ઉજાગરા કરી દરખાસ્‍ત ગણત્રીના કલાકોમાં તૈયાર કરી આપતા પોલીસ કમિશનરે એકજ દિવસમાં  સપાટો બોલાવતા લોકોમાં હર્ષની લાગણી જન્‍મી છે.

બળજબરીથી નાણાં કઢાવવા, વાહન ચોરી, છેડતીઓ, ઘરફોડ ચોરી, સામાન્‍ય લોકોના મોબાઈલ ચોરી, બળાત્‍કાર સહિતના આરોપોઓમાં અમુક ભયજનક શ્રેણીમાં છે, એક મહિલા બૂટલેગર પણ છે, જે આ મુજબ છે.

રાજસ્‍થાનનો અંકિત ત્‍યાગી, સુરેન્‍દ્રનગર જિલ્લાના વઢવાણનો મનોજ ચૌહાણ, બોટાદ પંથકનો સુરેશ અને મૂળ ઉત્તરપ્રદેશના અજજુ, આશિષ, તળાજાનો આશિષ, ગીર સોમનાથ પંથકનો ભલ્લો, રાજસ્‍થાનનો નાગલરામ તથા સુરતના મહિલા બુટલેગર સુરેનબેનનો અને નંદ રામનો સમાવેશ છે.