Gujarati News

Gujarati News

News of Friday, 19th January 2018

દેશી બનાવટની પિસ્તોલની સાથે એક શખ્સની ધરપકડ

અમદાવાદ શહેર ક્રાઈમ બ્રાંચને સફળતા મળીઃ પાકી બાતમી મળ્યા બાદ જાળ બિછાવવામાં આવ્યા પછી સુભાષ બ્રિજ નજીક પિસ્તોલ સાથે આવેલો શખ્સ ઝડપાયો

અમદાવાદ,તા. ૧૯, ગેરકાયદેસર દેશી બનાવટી પિસ્તોલ સાથે એક ઇસમની એસઓજી ક્રાઈમ બ્રાંચ દ્વારા ધરપકડ કરવામાં આવી છે. ઝડપાયેલા શખ્સની પુછપરછનો દોર શરૃ કરી દેવામાં આવ્યો છે. પુછપરછના આધારે કેટલીક નવી વિગતો સપાટી પર આવે તેવી શક્યતા છે. મળેલી માહિતી મુજબ જુદા જુદા ગુનાઓને શોધી કાઢવા માટે એસઓજી ક્રાઈમ બ્રાંચ ટુકડી હંમેશા સક્રિય રહે છે. બાતમી મળ્યા બાદ એસઓજી ક્રાઈમ બ્રાંચની ટુકડી ગોઠવાઈ ગયી હતી. દરમિયાન અમદાવાદ શહેર આરટીઓ સર્કલથી શાહીબાગ તરફ જતાં સુભાષબ્રિજના છેડે બાજનજર ગોઠવવામાં આવી હતી. આ ગાળા દરમિયાન ૨૪ વર્ષીય મોહમ્મદ અબ્દુલ ફૈઝલની અટકાયત કરવામાં આવી હતી. આ શખ્સ રાજસ્થાનના બાડમેર જિલ્લાનો હોવાનું જાણવા મળ્યું છે. અંગઝડતી કરવામાં આવતા તેની પાસેથી દેશી બનાવટની પિસ્તોલ મળી આવી હતી. આ ઉપરાંત ૫૦૦૦ રૃપિયાનો મુદ્દામાલ પણ જપ્ત કરવામાં આવ્યો હતો. પુછપરછ દરમિયાન આ શખ્સે માહિતી આપતા કહ્યું હતું કે, બાડમેરાના શિવાણા તાલુકાના શિવાના ગામના પોતાના મિત્ર ઇન્સાફ ખાન પાસેથી પિસ્તોલ લીધી હતી અને અમદાવાદમાં વેચવા માટે આવ્યો હતો. તેની સામે હથિયાર ધારા મુજબ કાયદેસરની કાર્યવાહી હાથ ધરવામાં આવી છે. અમદાવાદ શહેરમાં હાલમાં જુદા જુદા પ્રકારના ગુનાઓ વધી રહ્યા છે ત્યારે ક્રાઈમ બ્રાંચની ટુકડી વધારે સક્રિય થઇ ગઇ છે. હથિયારના ગુનાઓને શોધી કાઢવા માટે સતત સક્રિય રહેતી ક્રાઈમ બ્રાંચની ટીમ એક પછી એક સફળતા હાલના સમયમાં મેળવી ચુકી છે. આ મામલામાં એસઓજીની ટીમ ઝડપાયેલા મોહમ્મદ અબ્દુલ ફૈઝલ અંગે વધુ માહિતી મેળવી રહી છે.

(10:01 pm IST)
  • હાઇકોર્ટના રજિસ્ટ્રાર જનરલએ તમામ જિલ્લા કોર્ટ માટે બહાર પાડ્યો પરિપત્ર ;હાઇકોર્ટના ચુકાદાના આધારે પરિપત્ર બહાર પાડ્યો :7 વર્ષ કે તેથી ઓછી સજા વાળા કેસમાં આરોપીઓ જમીન અરજી બિન જરૂરી ફગાવવી ના જોઈએ : આવા કેસ પોલીસ ઓફિસરેના મનસ્વી વલણ,બદઇરાદા અને અપરાધિક રીતે આરોપી એરેસ્ટ થાય તો તેની જાણ રજિસ્ટ્રાર જનરલને કરો :આ અંગે ડીજીપીને આદેશ કરી જવાબદાર પોલીસ ઓફિસર સામે લેવાનું કહેવાશે access_time 11:28 pm IST

  • આગામી 25 જાન્યુઆરીના રોજ બોક્સ ઓફિસ પર ફિલ્મ પદ્માવત અને અક્ષય કુમારની પેડમેનની ટક્કર થવાની હતી. આ બંને મેગા બજેટ ફિલ્મોની ટક્કર ટળી ચુકી છે. જી હાં સંજય લીલા ભણસાલીએ આ મામલે અક્ષય કુમાર સાથે ચર્ચા કરી હતી અને ત્યારબાદ અક્ષય કુમારે પોતાની ફિલ્મની રિલીઝ ડેટ બદલવાનો નિર્ણય કર્યો છે. આ અંગેની જાણકારી બંને દિગ્ગજોએ પ્રેસ કોન્ફરન્સ સંબોધીને આપી હતી. હવે 25 તારીખે માત્ર પદ્માવતી ફિલ્મ રિલીઝ થશે અને અક્ષય કુમારની ફિલ્મ 9 ફેબ્રુઆરીના રોજ રિલીઝ થશે. આ અંગે અક્ષય કુમારે જણાવ્યું હતુ કે આ તારીખની વધારે જરૂરિયાત સંજયને છે, છેલ્લા ઘણા સમયથી તે ફિલ્મ રિલીઝ માટે લડત લડી રહ્યા હતા. access_time 11:19 pm IST

  • લ્યો બોલો... સાંસદોએ બિઝનેસ કલાસમાં સફર કરવા આવેદન આપ્યું : હાલ સાંસદો પ્લેનની મુસાફરી સામાન્ય કલાસમાં કરે છે : પ્રજાના પૈસે પ્લેનમાં મુસાફરી કરતાં ભારતના સાંસદોએ તેમને સગવડ આપવાની માંગણી કરી છે : જે મુજબ તેઓને સામાન્ય કલાસને બદલે '' બિઝનેસ કલાસ''માં સીટ ફાળવવા આવેદન આપ્યું હોવાનું જાણવા મળે છે. access_time 3:24 pm IST