Gujarati News

Gujarati News

News of Thursday, 17th September 2020

ભરૂચના આમોદના મામલતદાર અને નાયબ મામલતદાર લાંચ લેતા એસીબીના સકંજામા

રેડની ગંધ આવી જતા મામલતદાર ભાગી ગયા : ઝડપી લેવા ચક્રો ગતિમાન

ભરૂચ જીલ્લા ના આમોદ તાલુકાના મામલતદાર અને નાયબ મામલતદારે ફરિયાદી ના કામ પતાવવા માટે રૂપિયા ૧૦ હજાર ની લાંચ ની માંગણી કરતા ફરિયાદીએ એસીબી માં ફરીયાદ કરતા એસીબી ની ટીમે છટકું ગોઠવી લાંચીયા મામલતદાર અને નાયબ મામલતદારને ઝડપી પાડવામાં આવતા મામલતદાર ભાગી જવામાં સફળ રહ્યા હતા.  જયારે નાયબ મામલતદાર એસીબી ના સકંજામા આવી ગયા હતા.

બનાવની મળતી માહિતી અનુસાર ભરૂચ જીલ્લાના આમોદ તાલુકા પંથક ની મામલતદાર કચેરીમાં ફરિયાદી કમલેશ બાંડીએ પોતાનું કામ કરાવા માટે ગયા હતા.તે દરમ્યાન કામ ની પતાવટ સામે મામલતદાર અને નાયબ મામલતદારે વહીવટીની વાત કરી હતી અને ૧૦ હજાર રૂપિયા આપવાનું નક્કી થતા જ ફરિયાદી એ વડોદરા એસીબી માં ફરીયાદ કરતા એસીબી ની ટીમે લાંચીયા અધિકારીઓ ને ઝડપી પાડવા છટકું ગોઠવ્યું હતું.

ફરિયાદી લાંચ ની રકમ આપવા જતા નાયબ મામલતદાર ચિરાગ ડોડીયા ઝડપાઈ ગયા હતા.જયારે એસીબીની રેડ હોવાની ગંધ મામલતદાર ડૉ.જે ડી પટેલ ને થતા તેઓ ભાગી જવામાં સફળ રહ્યા હતા. જો કે એસીબીની ટીમે ફરાર મામલતદારની ઘરપકડ ના ચક્રો ગતિમાન કર્યા છે. જયારે ઝડપાયેલા નાયબ મામલતદાર ની કડક પૂછપરછ કરી રિમાન્ડ ની તજવીજ હાથધરી છે.
મામલતદાર કચેરી માં ઉચ્ચઅધિકારીઓ જ લાંચના પ્રકરણ માં આરોપી બની જતા અન્ય કર્મચારીઓમાં પણ કુતુહલ સર્જાયુ હતું.એસીબી ની રેડ ના પગલે કચેરી માં ફફડાટ મચી જવા પામ્યો હતો. 

(10:05 pm IST)
  • ગુજરાત ઉપરાંત દિલ્હી ,ઉત્તરાખંડ ,તામિલનાડુ ,તથા ઉત્તર પ્રદેશમાં 21 સપ્ટેમ્બરથી સ્કૂલો નહીં ખુલે : હરિયાણામાં સ્કૂલો ખુલી જશે : છત્તીસગઢ અને બિહાર હજુ સુધી અવઢવમાં : અનલોક 4 દરમિયાન 21 સપ્ટેમ્બરથી સ્કૂલો ફરીથી ચાલુ કરી શકવાના કેન્દ્ર સરકારના સૂચન સાથે મોટા ભાગના રાજ્યો અસંમત access_time 12:11 pm IST

  • ચીનના જાસૂસી કાંડ મામલે તપાસ :ચીની કંપનીના જાસૂસી કાંડ મામલે કેન્દ્ર સરકારે રાષ્ટ્રીય સાયબર સુરક્ષા સમન્વયકના વડપણ હેઠળ કમિટીની રચના :30 દિવસમાં માંગ્યો રિપોર્ટ access_time 1:03 am IST

  • દેશના પ્રધાનમંત્રી નરેન્દ્ર મોદી આજે 70 વર્ષના થયા છે. દેશભરમાં ભારતીય જનતા પાર્ટી PM મોદીના જન્મદિવસને 'સેવા સપ્તાહ' તરીકે મનાવી રહી છે. આ સાથે જ દિગ્ગજ નેતાઓ દ્વારા PM મોદીને જન્મદિવસની શુભેચ્છાઓ પાઠવવામાં આવી રહી છે. રાષ્ટ્રપતિ રામનાથ કોવિંદથી લઇને ગૃહમંત્રી અમિત શાહ, રક્ષા મંત્રી રાજનાથસિંહ, કોંગ્રેસ નેતા રાહુલ ગાંધી અને અન્ય મોટા નેતાઓએ પીએમ મોદીને જન્મદિવસની શુભેચ્છા પાઠવી. access_time 9:17 am IST