Gujarati News

Gujarati News

News of Wednesday, 16th September 2020

ભારે વરસાદને કારણે પાક ધોવાઇ ગયો

ડુંગળી લોકોને ''રડાવી'' રહી છે : એક ધારો ભાવ વધારો : આવતા મહીને ભાવ વધારો થશે રૂ. ૧૦૦?

અમદાવાદઃ મધ્યમ અને ગરીબ વર્ગના લોકો એક તરફ મહામારી અને બીજી તરફ મોંદ્યવારી એમ બેવડો માર સહન કરી રહ્યા છે. એક સમયે ગરીબોની કસ્તૂરી ગણાતી ડુંગળીના ભાવમાં દિવસેને દિવસે વધારો થઈ રહ્યો છે. ખેતીવાડી ઉત્પન્ન બજાર સમિતિ (APMC)ના સૂત્રોના જણાવ્યા પ્રમાણે, આ વર્ષના ઓકટોબર મહિનાના અંત સુધીમાં ૧ કિલો ડુંગળીનો ભાવ ૧૦૦ રૂપિયાએ પહોંચી જશે તેવી શકયતા છે. હોલસેલ માર્કેટમાં ભાવ પહેલાથી જ ૧૫થી ૨૦ ટકા જયારે રિટેલ માર્કેટમાં ૨૦ ટકા વધી ગયો છે.

મંગળવારે, મહુવા હોલસેલ માર્કેટમાં ડુંગળીનો એક કિલોનો ભાવ ૨૫ રૂપિયા હતો, જયારે APMCમાં ૧૫થી ૩૦ રૂપિયા વચ્ચે હતો. જો કે, રિટેલ માર્કેટમાં એક કિલો ડ઼ુંગળીનો ભાવ ૫૦ રૂપિયા હતો.

ભાવનગર APMCના એક પદાધિકારી ભીખાભાઈ ઝઘડિયાએ જણાવ્યું હતું કે, ભારે વરસાદના કારણે ડુંગળીનો પાક ભોગ બન્યો છે. 'માત્ર ગુજરાતમાં જ નહીં પરંતુ ડુંગળી પકવતા અન્ય રાજયોમાં પણ પાકને નુકસાન થયું છે', તેમ તેમણે કહ્યું હતું.

કોવિડ-૧૯ મહામારી બાદ જાહેર કરાયેલા લોકડાઉનના કારણે અનેક કટોકટી સર્જાઈ હતી. ગયા વર્ષે પણ એક કિલો ડુંગળીનો ભાવ ૧૦૦ રૂપિયાએ પહોંચી ગયો હતો. આ વર્ષે પણ આગામી ૫૦ દિવસમાં એક કિલો ડુંગળીનો ભાવ ૧૦૦ રૂપિયા થઈ જશે', તેમ અમદાવાદના ડુંગળીના વેપારીએ જણાવ્યું ગયું. જો કે, તેમણે તેમ પણ કહ્યું કે, નિકાસ પરનો પ્રતિબંધ ભાવમાં વધારો અટકાવી શકે છે.

મહુવા APMCના ચેરમેન દ્યનશ્યામ પટેલે કહ્યું કે, નિકાસ પર પ્રતિબંધનું પગલું થોડું વહેલું લેવાયું છે. 'નિકાસ પર પ્રતિબંધથી ફરી એકવાર માર્કેટ ક્રેશ થશે, જે ભાવને ૨૦ રૂપિયા પ્રતિ કિલોથી નીચે લાવશે. તેનાથી ખેડૂતોને નુકસાન થશે'. પટેલે કહ્યું કે, તેઓ નિર્ણય પર ફરીથી વિચારણા કરવા માટે ખેડૂતો વતી યુનિયન અને રાજય સરકારોને પત્ર લખશે. મહુવા APMCના વધુ એક અધિકારીએ કહ્યું કે, માત્ર ખેડૂતોને જ નુકસાન ભોગવવું પડશે તેવું નથી.  'જે  વેપારીઓએ ડુંગળીનો જથ્થો કરીને રાખ્યો છે તેમને પણ ધંધામાં ભારે નુકસાન ભોગવવું પડશે', તેમ તેમણે કહ્યું હતું. તેમણે જણાવ્યું હતું કે, નાના ખેડૂતોએ પહેલાથી જ તેમનો પાક વેચી દીધો છે.

(11:26 am IST)
  • દેશમાં કોરોનાનો કહેર યથાવત :રાત્રે 11-30 વાગ્યા સુધીમાં નવા 97.856 પોઝીટીવ નોંધાયા : કુલ કેસની સંખ્યા 51.15.893 થઇ : એક્ટિવ કેસ 10.09.886 થયા : વધુ 82,922 દર્દીઓ સ્વસ્થ થતા 40.22.049 રિકવર થયા : વધુ 1140 લોકોના મોત : મૃત્યુઆંક 83,230 થયો access_time 1:06 am IST

  • ઉત્તર પ્રદેશમાં 21 સપ્ટેમ્બરથી સ્કૂલો ખુલવાની શક્યતા નહિવત : રાજ્યમાં વધી રહેલા કોરોના સંક્રમણને ધ્યાને લઇ ડેપ્યુટી સી.એમ.દિનેશ શર્માનો નિર્દેશ : કેન્દ્ર સરકારે અનલોક 4 માં 21 સપ્ટે.થી સ્કૂલો ખોલવાની મંજૂરી આપી હોવા છતાં રાજ્ય સરકાર અસંમત : વિદ્યાર્થીઓની સુરક્ષાને પ્રાધાન્ય આપવાનો હેતુ access_time 12:20 pm IST

  • સરદાર સરોવર ડેમની સપાટી 138 મીટર : નર્મદા ડેમ અંગે અંગે નાયબ મુખ્યમંત્રી નીતિનભાઈ પટેલે કહ્યું- સરદાર સરોવર ડેમની સપાટી 138 મીટર થઈ:ડેમમાં હાલ પાણીની આવક ચાલુ: વડાપ્રધાન મોદીના જન્મ દિવસે નર્મદા ડેમ ભરાઈ જશે: ઉદ્યોગો, પશુઓ અને ખેતીને ફાયદો થશે: પાણીની આવકના કારણે પાવર હાઉસ ચાલુ છે. access_time 12:52 am IST