News of Wednesday, 14th February 2018

આજે વેલેન્ટાઈનના દિવસે

અમદાવાદ રિવરફ્રંટ પર બજરંગ દળના કાર્યકરોએ કર્યો હંગામો : છોકરા-છોકરીયો પાછળ લાકડી લઈને દોડ્યા : પોલીસે કરી 10 લોકોની અટકાયત

અમદાવાદ : આજે દુનિયાભરમાં પ્રેમીઓ વેલેન્ટાઈન્સ ડે મનાવી રહ્યાં છે, ત્યારે અમદાવાદમાં બજરંગ દળ દ્વારા તેનો વિરોધ કરવામાં આવ્યો હતો.

બજરંગ દળના કાર્યકરો રિવરફ્રંટ પર લાકડીઓ સાથે ધસી આવ્યા હતા. કેસરિયો ખેસ પહેરીને રિવરફ્રંટ પર દોડી આવેલા બજરંગ દળના કાર્યકરોએ દહેશતનો માહોલ ઉભો કર્યો હતો. અચાનક જ દોડી આવેલા બજરંગ દળના કાર્યકરોને જોઈને રિવરફ્રંટ પર આવેલા કપલ્સમાં અફરાતફરી મચી ગઈ હતી. પોલીસે રિવરફ્રંટ પર બેફામ બનેલા બજરંગ દળના દસ જેટલા કાર્યકર્તાઓની અટકાયત કરી હતી.

બજરંગ દળે અમદાવાદની અનેક કોલેજોની દિવાલો પર વેલેન્ટાઈન્સ ડે પર લવ જેહાદથી સાવધાનના પોસ્ટર્સ પણ લગાવ્યા છે. બે વર્ષ પહેલા વેલેન્ટાઈન્સ ડે પર જ બજરંગ દળના કાર્યકર્તાઓએ કપલ્સ પર ઈંડા ફેંક્યા હતા.

 

(12:36 pm IST)
  • વડોદરામાં નકલી નોટોનું કૌભાંડ ઝડપાયું છે. અહીં રૂ. 2 હજારની નકલી નોટો છાપવામાં આવતી હતી અને ઇન્દોર અને વડોદરામાં નકલી નોટોનો કારોબાર ધમધમતો હતો. આ મામલે પોલીસે 2 શખ્સોની ધરપકડ કરી છે. નકલી નોટો સાથે પિસ્તોલ પણ જપ્ત કરવામાં આવી છે. access_time 3:28 pm IST

  • અમેરીકાના સ્વીમીંગ સિતારા માઈલ ફેલ્પ્સની પત્નિએ બીજા પુત્રને જન્મ આપ્યો : ૩૨ વર્ષના ફેલ્પ્સ અને તેની પત્નિ નિકોલે બીજા પુત્રને જન્મ આપ્યો હોવાની જાહેરાત કરી : ફેલ્પ્સે ૨૦૧૬માં રિયો ડિ જાનેરો ખાતેના ઉનાળાના ઓલિમ્પિક રમતોત્સવ બાદ સૌથી સફળ ઓલિમ્પિયન તરીકે નિવૃતિ લીધી હતીઃ તેણે ૨૮ ઓલિમ્પિક મેડલ જીત્યા હતા access_time 12:24 pm IST

  • અમેરિકાના રાષ્ટ્રપતિ ડોનાલ્ડ ટ્રમ્પના વકીલે ચોંકાવનારો ખુલાસો કર્યો છે કે તેણે પોર્ન સ્ટાર ડેનિયલ્સનું ઉર્ફે સ્ટેફની ફ્લિફોર્ડને પોતાના ખિસ્સામાંથી 1,30,000 ડોલર (રૂ.83 લાખ) આપ્યા હોવાની વાત સ્વીકારી છે. આ પોર્ન સ્ટાર પર 2006માં યુએસ રાષ્ટ્રપ્રમુખ ડોનાલ્ડ ટ્રમ્પ પર કથિત રીતે જાતિય સંબંધ બનાવ્યા હતા. ટ્રમ્પના વકીલ માઈકલ કોહેને ધ ન્યૂ યોર્ક ટાઈમ્સને જણાવ્યું હતું કે તેમણે સ્ટોર્મી ડેનિયલ્સને ટ્રમ્પ ઓર્ગેનાઈઝેશન કે ટ્રમ્પના પ્રચાર અભિયાનમાંથી કોઈ નાણાં આપ્યા નથી access_time 9:28 am IST