News of Thursday, 8th March 2018

બેન્કોના કૌભાંડો રોકવા માટે કેન્‍દ્ર સરકાર યોગ્‍ય પગલા લે તે જરૂરીઃ ગુજરાત હાઇકોર્ટમાં પિટીશન દાખલ કરાઇ

અમદાવાદઃ નીરવ મોદી અને મેહુલ ચોકસીના કરોડો રૂપિયાના કૌભાંડ મામલે હાઇકોર્ટમાં પિટિશન કરાઇ છે. આવા કૌભાંડો રોકવા માટે કેન્દ્ર સરકારને જરૂરી નિર્દેશો જારી કરવા અરજદારે માંગ કરી છે. સાથે કમિશનની રચના કરવા તેમજ બેંકોના ખાનગીકરણ માટે જરૂરી પગલાં લેવાની પણ માંગ કરવામાં આવી છે.

અરજી પર સૂનાવણી કરતા હાઇકોર્ટે અરજદારને કેન્દ્ર સરકારને રજૂઆત કરવા કહ્યુ છે. અરજદારની રજુઆત પર કેન્દ્ર સરકારને નિર્ણય લેવા પણ કહ્યુ છે. સાથે જો ચોક્કસ સમય મર્યાદામાં કેન્દ્ર નિર્ણય ના લે તો અરજદાર હાઇકોર્ટમાં ફરી અરજી કરવા ટકોર કરી છે. હાઇકોર્ટે અવલોકન કર્યુ છે કે આવા કૌભાંડો રોકવા માટે કેન્દ્ર યોગ્ય પગલાં લે તે જરૂરી છે.

(8:49 pm IST)
  • ઉત્તર પ્રદેશ સમાજવાદી પક્ષના ઉમેદવાર જયા બચ્ચને શુક્રવારે રાજ્યસભા માટે નામાંકન ભર્યું છે. તેમણે વિધાનસભાના સેન્ટ્રલ હોલમાં નોમિનેશન દાખલ કર્યું હતું. આ દરમિયાન સ.પા.ના પ્રમુખ અખિલેશ યાદવના પત્ની સાંસદ શ્રીમતી ડિમ્પલ યાદવ, સ.પા.ના ઉપપ્રમુખ કિરણ મય નંદા, સ.પા.ના રાષ્ટ્રીય સચિવ રાજેન્દ્ર ચૌધરી અને સહારા ગ્રૂપના ચેરમેન સુબ્રતા રોય સહારા પણ હાજર રહ્યા હતા. access_time 8:42 pm IST

  • નીરવ મોદીના કૌભાંડ પૂર્વે 2017ના નાણાકીય વર્ષમાં પંજાબ નેશનલ બેંકે વિવિધ કૌભાંડોમાં 2800 કરોડ ગુમાવ્યા છે access_time 12:08 am IST

  • માળીયા મિંયાણામા પાણીની ભારે તંગી : એક બેડા માટે ૩ કિ.મી. દૂર રઝળપાટ : મહિલાઓ અને પુરૂષોએ સાથે પીવાના પાણી ભરવા જવુ પડે છે : ઉનાળાના પ્રારંભે જ વિકટ પરિસ્થિતિ access_time 5:54 pm IST