Gujarati News

(ભરત શાહ દ્વારા) રાજપીપળા : રાજપીપળા શહેર સહિત નાંદોદ તાલુકના ગ્રામ્ય વિસ્તારોમાં ડેન્ગ્યુ,મેલેરિયાના દર્દીઓની સંખ્યા વધતા આરોગ્ય વિભાગે સર્વેની કામગીરી હાથમાં લીધી છે ત્યારે બીજી બાજુ આરોગ્ય વિભાગ પાસે ફોગીંગ મશીનોનો અભાવ હોવાથી રાજપીપળા નગરપાલિકા દ્વારા શહેરમાં રાત્રી ફોગીંગની કામગીરી કરવામાં આવી રહી છે,આરોગ્ય વિભાગ દ્વારા તાલુકા ના ગામડાઓમાં પણ જો ફોગીંગની કામગીરી હાથ ધરવામાં આવે તો એ તરફ વધતા ડેન્ગ્યુ, મેલેરિયાના કેસોમાં ઘટાડો થઇ શકે છે પરંતુ દર વર્ષે ફોગીંગ મશીનો બગડેલા નો રાગ આલાપતા આરોગ્ય વિભાગના અધિકારીઓ આ બાબતે નિષ્ક્રિય હોય એમ જણાઈ રહ્યું છે.