Gujarati News

Gujarati News

News of Tuesday, 2nd March 2021

નર્મદા જિલ્લા પંચાયતની 24 સીટ પર ચૂંટણી લડનાર બીટીપીનો માત્ર એક બેઠક પર વિજય

તાલુકા પંચાયતો માટે 82 બેઠકો પર ચૂંટણી લડી જેમાંથી માત્ર 4 બેઠકો પર સફળતા મળી

સ્થાનિક સ્વરાજની ચૂંટણી માટે AIMIM સાથે ગઠબંધન કરનાર છોટુભાઈ વસવાની BTP પાર્ટીએ નર્મદા જિલ્લા પંચાયતની 24 બેઠકો પરથી ચૂંટણી લડી હતી, જોકે એ પૈકી માત્ર એક બેઠક પર તેમની પાર્ટીનો વિજય થયો છે

નર્મદા જિલ્લાની તાલુકા પંચાયતો માટે BTP દ્વારા 82 બેઠકો પર ચૂંટણી લડવામાં આવી હતી જે પૈકી 4 બેઠકો પર તેમની પાર્ટીને સફળતા મળી હતી. નર્મદા જિલ્લા પંચાયતની નવા ગામ બેઠક પરથી BTPના ઉમેદવાર શાન્તાકુલ બેન વસાવાનો વિજય થયો હતો. જ્યારે નર્મદાની તાલુકા પંચયતમાં ડેડીયાપાડા અને સાગબારામાં કુલ 4 ઉમેદવારોને સફળતા મળી હતી.

નર્મદા તાલુકા પંચાયતમાં ડેડીયાપાડાની સિંગલોટી બેઠક પરથી મુળજીભાઈ રોહિતનો વિજય થયો હતો. જ્યારે નવાગામ(ડેડી) પરથી અમરસિંહ વસવાનો વિજય થયો હતો. સાગબરમાં બે ઉમેદવાર – શિવરામ વસવા અને અંજુબેન વસવાનો વિજય થયો હતો. BTPના સહયોગી દળ AIMIMએ મોડાસા અને ગોધરા નગરપાલિકામાં કુલ 20 ઉમેદવારોને ટીકીટ આપી હતી જે પૈકી 16 સીટો પર વિજય મેળવ્યો છે

AIMIMએ ગોધરા નગરપાલિકામાં કુલ 8 ઉમેદવારોને ટીકીટ આપી છે,જે પૈકી 7 બેઠકો પર વિજય થયો છે. મોડાસા નગરપાલિકામાં 12 સીટ પૈકી 9 સીટો પર ઓવેસીની પાર્ટીનો વિજય થયો છે.

અમદાવાદ મહાનગર પાલિકાની ચૂંટણી બાદ ગુજરાતમાં સ્થાનિક સ્વરાજની ચૂંટણીના બીજા તબક્કામાં અસદુદિન ઓવેસીની AIMIM પાર્ટીના 20 જેટલા ઉમેદવારો દ્વારા મોડાસા અને ગોધરા નગરપાલિકામાંથી ઉમેદવારી નોંધવવા માટે ઉમેદવારી ફોર્મ ભર્યા હતા.

અમદાવાદ મહાનગરપાલિકાની ચૂંટણીઓમાં AIMIMએ મુસ્લિમ બહુમતી ધરાવતા કુલ 21 બેઠકો પર ઉમેદવારી નોંધાવી હતી જોકે પાર્ટીને જમાલપુર અને મકતમપુરા વોર્ડમાં સફળતા મળી હતી અને તેમના 7 ઉમેદવારોનો વિજય થયો હતો. જમાલપુરમાં AIMIMના 4 ઉમેદવારોની પેનલ, જ્યારે મકતમપુરા વોર્ડમાં ત્રણ ઉમેદવારો જીત્યા હતા.

(12:26 am IST)
  • દેશના નંબર ૧ ક્રિકેટરની ગુજરાત આવકવેરાના અધિકારીઓ દ્વારા ‘ફેસલેસ’ ઍસેસમેન્ટ કરવામાં આવ્યાનું જાણવા મળે છે : પ્રથમ વખત જ નેટ મારફત સામે કયા ઓફીસર દ્વારા ઍસેસમેન્ટ થાય છે તે જાહેર થયા વિના આવકવેરા ખાતા દ્વારા આ ઍસેસમેન્ટ કરવામાં આવ્યાનું ન્યુઝ ફર્સ્ટ જણાવે છે access_time 1:29 pm IST

  • વિધાનસભામાં બજેટ રજૂ કરતા નીતિન પટેલ : ગાંધીનગર : નાયબ મુખ્‍યમંત્રી શ્રી નીતિનભાઇ પટેલ આજે ગુજરાત વિધાનસભા ખાતે વર્ષ ૨૦૨૧-૨૦૨૨નું અંદાજપત્ર રજૂ કરવા આવી પહોંચ્‍યા એ વેળાની તસ્‍વીર. access_time 12:11 pm IST

  • પ્રજાના જબ્‍બર સમર્થનથી અમારી જવાબદારી વધી છે, નવુ બજેટ સમાજના સર્વ વર્ગ માટે વિકાસયાત્રાને વેગ આપનારુ, આરોગ્‍ય ક્ષેત્રની કામગીરી વધુ વિકસાવાશે, આત્‍મનિર્ભર ગુજરાત તરફ પ્રયાણઃ નીતિન પટેલ access_time 11:17 am IST