News of Tuesday, 13th February 2018

દેશમાં શિયાળુ વાવેતર ૬૪૩ લાખ હેકટરે આબ્યુઃ ઘઉંનું ઘટ્યુઃ ચોખા - કઠોળનું વધ્યું

રાજકોટ, તા.૧૩ : દેશમાં શિયાળુ વાવેતર પૂર્ણતાના આરે છે. અત્યાર સુધીમાં દેશમાં કુલ ૬૪૩ લાખ હેકટરે પહોંચ્યું છે. જે ગયા વર્ષે ૬૪૮ લાખ હેકટરમાં થયું હતું. આમ ગયા વર્ષની તુલાનાએ વાવેતરમાં ૫ લાખ હકટરનો દ્યટાડો થયો છે.

દેશમાં રવિ વાવેતરના મુખ્ય પાક એવા ઘઉંનું વાવેતર ઘટ્યું છે. જયારે ચોખા અને કઠોળનું વાવેતર વધ્યું છે. ઘઉનું વાવેતર ગયા વર્ષની તુલનાએ ૧૩.૫૯ લાખ હેકટર ઘટીને ૩૦૪.૨૯ લાખ હેકટરમાં થયું છે. કેન્દ્રીય કૃષિ મંત્રાલયના આંકડા મુજબ કઠોળ તથા ચોખાના વાવેતરમાં વધારો થયો છે. કઠોળનું વાવેતર ૫.૨૯ ટકા વધીને ૧૬૯.૧૦ લાખ હેકટરમાં થયું છે.

ચોખાનું વાવેતર ગયા વર્ષની  તુલનાએ ૪.૫૭ લાખ હેકટર વધી ૩૧.૮૯ લાખ હેકટરમાં થયું છે. જયારે તેલીબિયાંનું વાવેતર ગયા વર્ષના ૮૪.૮૫ લાખ હેકટરની તુલાનાએ દ્યટીને આ વર્ષે  ૮૦.૮૭ લાખ હેકટરમાં થયું છે. ઘઉંનું વાવેતર ઓછું રહેતા પાક નીચો ઊતરવાની ધારણાં આ વર્ષ ઘઉંની આયાત વધવાની શકયતા વ્યકત કરાઈ રહી છે.

(9:52 am IST)
  • અમેરિકાના રાષ્ટ્રપતિ ડોનાલ્ડ ટ્રમ્પના વકીલે ચોંકાવનારો ખુલાસો કર્યો છે કે તેણે પોર્ન સ્ટાર ડેનિયલ્સનું ઉર્ફે સ્ટેફની ફ્લિફોર્ડને પોતાના ખિસ્સામાંથી 1,30,000 ડોલર (રૂ.83 લાખ) આપ્યા હોવાની વાત સ્વીકારી છે. આ પોર્ન સ્ટાર પર 2006માં યુએસ રાષ્ટ્રપ્રમુખ ડોનાલ્ડ ટ્રમ્પ પર કથિત રીતે જાતિય સંબંધ બનાવ્યા હતા. ટ્રમ્પના વકીલ માઈકલ કોહેને ધ ન્યૂ યોર્ક ટાઈમ્સને જણાવ્યું હતું કે તેમણે સ્ટોર્મી ડેનિયલ્સને ટ્રમ્પ ઓર્ગેનાઈઝેશન કે ટ્રમ્પના પ્રચાર અભિયાનમાંથી કોઈ નાણાં આપ્યા નથી. access_time 1:27 am IST

  • પાઘડીના શણગારથી ઝળહળી ઊઠ્યા શ્રી સોમનાથ મહાદેવ - કરો મહાદેવના પાઘડી દર્શન : મહાશિવરાત્રિ નિમિત્તે પ્રથમ જ્યોતિર્લિંગ સોમનાથમાં ભાવિકોનો અદ્ભૂત ધસારો જોવા મળ્યો છે. સોમનાથ મંદિરમાં મહાદેવને અનેક જાતના શણગાર કરવામાં આવ્યાં હતાં. જેમાં પાઘડીના શણગારથી મહાદેવની શોભામાં અભિવૃદ્ધિ થઇ હતી access_time 9:38 am IST

  • હઇ થઇ ગઇઃ નાગાલેન્ડમાં ભાજપનો અદ્ભૂત ચૂંટણી ઢંઢેરોઃ સત્તા પર આવશું તો તમામ ખ્રિસ્તીઓને જેરૂસલેમની મફત મુસાફરી : આવતા મહિને યોજાનારી નાગાલેન્ડ વિધાનસભાની ચૂંટણી માટે ભાજપે ચૂંટણી ઢંઢેરો બહાર પાડ્યોઃ જો ભાજપ સરકાર આવશે તો તમામ ખ્રિસ્તીઓને મફત જેરૂસલેમની મુસાફરી કરાવશેઃ નાગાલેન્માં કુલ વસતિના ૮૮ ટકા ખ્રિસ્તીઓ છે access_time 3:45 pm IST