Gujarati News

Gujarati News

News of Thursday, 8th March 2018

ગુજરાતમાં ઉનાળુ વાવેતર ૨.૨૮ લાખ હેકટરે આબ્યુઃ બાજરીનું દોઢુઃ ડુંગળીનું ૭૪ ટકા ઘટ્યું

મગફળીનું ૨૮ ટકા ઘટ્યું : અડદ અને તલની વધી વાવણી

રાજકોટ, તા.૮ : ગુજરાતમાં ઉનાળુ વાવેતર વેગ પકડતું જાય છે. રાજયમાં સરકારી આંકડા મુજબ ઉનાળુ વાવેતર ગયા વર્ષ કરતા વધ્યું છે. જેમાં બાજરીના વાવેતરમાં જબરો વધારો જોવાયો છે. જયારે ઘટતા ભાવને કારણે ડુંગળીના વાવેતરમાં ૭૪ ટકાનું ગાબડું પડ્યું છે. બીજીતરફ મગફળીનું ૨૮ ટકા ઘટ્યું છે. જયરાએ અડદ અને તલની વાવણી વધી છે.

રાજય સરકારના આંકડા મુજબ તા.૫મી માર્ચ સુધીમાં ઉનાળુ વાવેતર ૨.૨૮ લાખ હેકટરે પહોંચ્યું છે. જે ગયાવર્ષે આ સમયગાળા દરમિયાન ૨.૧૧ લાખ હેકટરમાં વાવેતર થયું હતું. આમ વાવેતર વિસ્તારમાં ૮ ટકાનો વધારો થયો છે. બાજરીનું વાવેતર ૫૧,૩૦૦ હેકટરમાં થયું છે. જે ગયા વર્ષે ૩૨૯૦૦ હેકટરમાં થયું છે. આમ ગયા વર્ષ કરતા ૫૬ ટકા વધુ છે.

બીજીતરફ ડુંગળીના નીચા ભાવને કારણે વાવેતરમાં ૭૪ ટકાનો જબરો ઘટડો જોવાયો છે. ગત વર્ષના ૧૩૪૦૦ હેકટરની તુલનાએ માત્ર ૩૫ હેકટરમાં જ વાવેતર થયુ છે. મગફળીનું વાવેતર ૨૮ ટકા ઘટીને ૨૧ હજાર હેકટરમાં થયું છે. કઠોળમાં મગનું વાવેતર ઘટ્યું છે. જયારે અડદનું વધ્યું છે. તલના વાવેતરમાં ૧૬ તણો ઘટાડો જોવાયો છે.

(9:35 am IST)
  • રાષ્ટ્રપતિ રામનાથ કોવિંદ મોરિશ્યસ -માદાગાસ્કરની 11થી 15 માર્ચ દરમિયાન મુલાકાત લેશે access_time 12:04 am IST

  • રાજકોટમાં સિલ્વર પાર્ક -4 માં રહેતા પ્રોફેસર રક્ષીત રૈયાણીની બળાત્કારના કેસમાં મહિલા પોલીસ દ્વારા ધરપકડ કરવામાં આવી છે. આરોપી રક્ષીતના ઘરમાં સર્વિસ કોન્ટ્રાક્ટર પર રહેતી છોકરીએ રક્ષીત રૈયાણી પર બળાત્કાર અને મારપીટ કર્યાની ફરિયાદ પોલીસમાં કરી હતી, આ ઉપરાંત રક્ષીતના માતા - પિતાની પણ મદદગારી કરવા બદલ ધરપકડ કરવામાં આવી હતી. આ એજ રક્ષીત રૈયાણી છે જેણે તાજેતરમાજ પોતાની ત્રીજી પત્નીને ઘરમાંથી બહાર તગેડી મૂકી હતી અને એ પત્ની એના ઘરની જ બહાર ધરણા પર બેઠી હતી. access_time 12:55 am IST

  • જગવિખ્યાત સુફી ગાયક બેલડી વડાલી બ્રધર્સમાં નાના ભાઈ ઉસ્તાદ પ્યારેલાલ વડાલીનું 75 વર્ષની ઉમંરે હાર્ટ એટેકમાં મૃત્યુ થયુ છે. પ્યારેલાલ છેલ્લા કેટલાક સમયથી બીમાર હતા અને ગઈ કાલે તેમને હાર્ટ એટેક આવ્યો હતો. ગઈ કાલે તેમને અમૃતસરની ફોર્ટિસ હોસ્પિટલમાં દાખલ કરવામાં આવ્યા હતાં. ત્યાં આજે સવારે તેમણે અંતિમ શ્વાસ લીધા હતા. પ્યારેલાલ વડાલીના નિધન વિશે તેમના ભત્રીજા લખવિંદર વડાલીએ જાણ કરી હતી. access_time 1:04 pm IST