Gujarati News

Gujarati News

News of Thursday, 29th October 2020

બિગ બીને હાથ અડાડવાની પણ મનાઈ છે

મુંબઇ,તા.૨૯ : કોવિડ સામે લડીને બહાર આવેલા મહાનાયકને કૌન બનેગા કરોડપતિના સેટ પર કોઈ અડકી પણ શકતું નથી એ વાતનો અફસોસ મનીષ પોલને પણ ભારોભાર છે

અમિતાભ બચ્ચન અત્યારે શ્નકૌન બનેગા કરોડપતિ હોસ્ટ કરે છે, પણ સેટ પર બિગ બીને આછો સરખો સ્પર્શ કરવાની પણ સખત મનાઈ ફરમાવાઈ છે. આ વાતનો અનુભવ થયો હમણાં મનીષ પોલને. એકટર-એન્કર મનીષ પોલ બિગ બીને મળવા માટે 'કૌન બનેગા કરોડપતિ'ના સેટ પર ગયો ત્યારે તેને સ્ટ્રિકટલી દૂર રાખવામાં આવ્યો હતો. મનીષને અફસોસ એ વાતનો છે કે તે બિગ બીના પગને સ્પર્શીને આશીર્વાદ પણ લઈ શકયો નહીં. અગાઉ એવું કયારેય બન્યું નથી કે મનીષ મહાનાયકને મળ્યો હોય અને એ પછી તેણે ચરણસ્પર્શ ન કર્યા હોય. પહેલી વાર એવું બન્યું કે મનીષ તેમને મળ્યો અને દૂરથી જ થોડી વાતો કરીને નીકળી ગયો.

એકચ્યુઅલી કોવિડ સામે લડીને ક્ષેમકુશળ રીતે બહાર આવનાર બિગ બીને ફરીથી કોઈ તકલીફ ન આવે એ માટે બચ્ચન-ફેમિલી, બિગ બીનો સ્ટાફ, સોની ટીવી અને 'કૌન બનેગા કરોડપતિ'નું યુનિટ જબરદસ્ત સ્ટ્રિકટ છે. માત્ર કન્ટેસ્ટન્ટ જ નહીં, યુનિટ અને ચેનલનો સ્ટાફ પણ બિગ બીની નજીક જઈ નથી શકતો કે તેમને સ્પર્શી નથી શકતો.

(10:22 am IST)
  • ' તારક મહેતાકા ઉલ્ટા ચશ્મા ' ટોપ 5 ની રેસમાંથી બહાર :' સાથ નિભાના સાથિયા 2 ' ની ધમાકેદાર એન્ટ્રી : પ્રીમિયર એપિસોડથી જ ટોપ 5 માં સ્થાન મેળવી લીધું : ' છોટી સરદારની ' પણ ટોપ 5 માંથી બહાર : ' ગૂમ હૈ કિસીકે પ્યારમેં ' ની ટોપ 5 માં એન્ટ્રી : 17 થી 23 ઓક્ટોબર સુધીની છેલ્લી ટીઆરપી access_time 6:15 pm IST

  • સૂર્યકુમાર અને બુમરાહને લીધે મુંબઇ પહોંચ્યુ પ્લે-ઓફમાં : ઓસ્ટ્રેલિયાના પ્રવાસમાં સ્થાન ન આપીને પસંદગીકારોએ ભુલ કરી હોવાનો મુંબઇના બેટસમેન કરાવ્યો અહેસાસ, બેન્ગલોરને પાંચ વિકેટથી કર્યુ પરાજિત access_time 2:41 pm IST

  • માનહાની કેસમાં દિલ્હીના મુખ્યમંત્રી કેજરીવાલને ક્લિનચીટ : 2016 ની સાલમાં દિલ્હીના ભાજપ સાંસદ રમેશ બિધુડીએ માનહાની કેસ કર્યો હતો : કેજરીવાલે ન્યુઝ ચેનલમાં આપેલા ઇન્ટરવ્યૂ વખતે પોતાને બદનામ કરતું નિવેદન આપ્યાનો આરોપ હતો : દિલ્હીની રાઉસ એવન્યુ અદાલતે આપેલા ચુકાદાથી ફરિયાદીને ઝટકો access_time 7:12 pm IST