Gujarati News

મુંબઇ,તા.૨૯: કાર્તિક આર્યને ‘ચંદુ ચેમ્‍પિયન' માટે પોતાના પાત્રને સાકાર કરવા માટે ૧૪ મહિના બોક્‍સિંગની ટ્રેઇનિંગ લીધી હતી. આ ફિલ્‍મમાં તે પેરાલિ મ્‍પિક ગોલ્‍ડ મેડલિસ્‍ટના રોલમાં દેખાવાનો છે. આ પાત્રમાં પૂરી રીતે ઢળી જવા માટે તેણે ફિટનેસનું પણ ખાસ ધ્‍યાન રાખ્‍યુ હતું. વીસ કિલો વજન ઘટાડવાની સાથે તેણે શુગર પૂરી રીતે છોડી દીધી હતી. કાર્તિક પહેલી વાર ફિઝિકલી ડિમા ન્‍ડિંગ રોલ કરી રહ્યો છે. આ ફિલ્‍મ પદ્મશ્રી મુરલીકાંત પેટકરના જીવન પર આધારિત છે. તેમણે ૧૯૭૨માં જર્મનીમાં આયોજિત ૫૦ મીટરની ફ્રીસ્‍ટાઇલ  સ્‍વિમિંગમાં પહેલી વખત ભારત માટે ગોલ્‍ડ જીત્‍યો હતો. આ સિવાય તેમણે ભાલાફેંકમાં પણ ભાગ લીધો હતો. આમ તો તેઓ મૂળ રૂપે બોક્‍સર હતા. તેઓ ભારતીય સેનામાં ઇલેક્‍ટ્રોનિક્‍સ અને મેકેનિકલ એન્‍જિનિયર્સની ટુકડીમાં ક્રાફટ્‍સમેન રેન્‍ક-સોલ્‍જર હતા. જોકે યુદ્ધ દરમ્‍યાન તેમને અનેક ગોળીઓ વાગી હતી અને એને કારણે તેઓ અસક્ષમ થઈ ગયા હતા. ‘ચંદુ ચેમ્‍પિયન'ને કબીર ખાને ડિરેક્‍ટ કરી છે. ફિલ્‍મનું શૂટિંગ મહારાષ્ટ્રના વાઈમાં, કાશ્‍મીરમાં અને લંડનમાં કરવામાં આવ્‍યું છે.