Gujarati News

Gujarati News

News of Monday, 25th January 2021

જીવનનો પ્રેમ ઓફિશિયલ થઇ ગયો

વરૂણે શેર કરી લગ્નની તસ્વીરો

નવી દિલ્હી તા. ૨૫ : વરૂણ ધવન અને નતાશા દલાલના લગ્નની તસવીર આવી ગઈ છે. બન્ને ખુબ સુંદર લાગી રહ્યાં છે. લગ્નની તસવીર વરૂણ ધવનની પીઆર ટીમે જારી કરી છે. આ ફોટોમાં વરૂણ ધવન અને નતાશા દલાલ ખુબ ખુશ જોવા મળી રહ્યાં છે. બે તસવીરો રિલીઝ કરવામાં આવી છે. એકમાં વરૂણ ધવન નતાશા દલાલનો હાથ પકડી ફેરા લેતા જોવા મળી રહ્યો છે. તેમાં બન્ને ખુશ લાગી રહ્યાં છે. બન્નેએ પરંપરાગત અંદાજમાં કપડા પહેર્યા છે.

વરૂણ ધવને શેરવાની પહેરી છે. તેના ચહેરા પર હાસ્ય જોવા મળી રહ્યું છે. તેણે માથા પર ચાંદલો કર્યો છે. તો અન્ય એક તસવીરમાં વરૂણે નતાશાનો હાથ પકડ્યો છે. બન્ને હળવી મુદ્રામાં જોવા મળી રહ્યાં છે.

વરૂણ અને નતાશા બેઠા છે અને પરિવાર તેના પર ફૂલોની વર્ષા કરી રહ્યો છે. પિતા ડેવિડ ધવન પણ ફોટોમાં જોવા મળી રહ્યા છે અને બધા વરૂણ-નતાશાને આશીર્વાદ આપી રહ્યા છે. આ

વરૂણ ધવન અને નતાશા દલાલ એકબીજાને બાળપણથી ઓળખે છે. બન્નેનું અફેર વર્ષો સુધી ચાલ્યુ હતું. બન્નેએ આજે લગ્ન કરી તેના પર મહોર લગાવી દીધી છે. વરૂણ અને નતાશાના લગ્ન અલીબાગના ધ મેંશન હાઉસમાં થયા છે. ફેન્સ સોશિયલ મીડિયા પર તેની તસવીરો શેર કરી રહ્યા છે. વરૂણ અને નતાશા આજે ખુબ ખુશ જોવા મળી રહ્યા છે. લગ્નમાં કોરોનાને લીધે ખાસ લોકોને જ આમંત્રણ આપવામાં આવ્યું હતું. બન્ને હવે જલદી હનીમૂન પર જવાના છે.

(9:54 am IST)
  • વિધાનસભાની ચૂંટણીઓ પહેલા મોદી પ્રધાન મંડળની પુનઃ રચના થશે : લીસ્ટ તૈયાર : આસામ, પશ્ચિમ બંગાળ અને તામિલનાડુ વિધાનસભાની ચૂંટણીઓ પહેલા વડાપ્રધાન નરેન્દ્રભાઈ મોદી તેમના પ્રધાન મંડળની પુનઃ રચના કરે તેવી સંભાવના હોવાનું ન્યુઝ ફર્સ્ટ જણાવે છે : યોગ્ય સમયે ફેબ્રુઆરીના છેલ્લા અઠવાડીયામાં અથવા તો માર્ચના પહેલા અઠવાડીયામાં નવા પ્રધાનો શપથ લ્યે તેવી પૂરી સંભાવના છે : ૨૦ નવા પ્રધાનોનું અને પ્રધાનમંડળમાં ફેરફારોમાં લીસ્ટ તૈયાર હોવાનું પણ જાણવા મળે છે access_time 3:08 pm IST

  • પ-૧૦-૧૦૦ની નોટ માર્ચ પછી :નહિ ચાલે એવા રીપોર્ટ સરકારે નકાર્યા : નવી દિલ્હી : આ વર્ષના માર્ચથી રીઝર્વ બેંક પ-૧૦-૧૦૦ રૂપિયાની નોટ ઉપર પ્રતિબંધ મૂકશે એવા વ્હેતા થયેલા અહેવાલોને સરકારે નકારી કાઢયા છે PIBએ આ પ્રકારના આવેલા અહેવાલોને ફેક ગણાવ્યા છે એવી ભારપૂર્વક સ્પષ્ટતા થઇ છે કે રીઝર્વ બેંકે આવી કોઇ જાહેરાત કરી નથી. (પ-૧પ) access_time 11:49 am IST

  • મહારાષ્ટ્રના ૨ ગુજરાતીઓનું પદ્મશ્રી એવોર્ડથી સન્માન: લિજ્જત પાપડના જશવંતીબેન પોપટ અને રજનીકાંત શ્રોફને પદ્મશ્રી એવોર્ડ જાહેર: લિજ્જત પાપડ શરૂ કરનાર સાત મહિલાઓ પૈકીના રઘુવંશી જશવંતીબેન જમનાદાસ પોપટ અને યુનાઈટેડ ફોસ્ફરસના રજનીકાંત દેવીદાસ શ્રોફને કેન્દ્ર સરકારે આજે પદ્મશ્રી એવોર્ડ અપાયાની જાહેરાત કરી છે access_time 1:03 am IST