Gujarati News

મુંબઈ: બોલિવૂડ જગતમાંથી એક ખરાબ સમાચાર સામે આવ્યા છે. નિર્માતા પ્રદીપ ગુહાનું નિધન થયું છે. પ્રદીપ કેન્સર સામે લડી રહ્યા હતા અને તેમની સારવાર ચાલી રહી હતી, પરંતુ 21 ઓગસ્ટના રોજ તેમણે આ દુનિયાને અલવિદા કહી દીધું. સ્ટાર્સ અને ચાહકો સોશિયલ મીડિયા પર તેમને શ્રદ્ધાંજલિ આપી રહ્યા છે. મીડિયા અહેવાલો અનુસાર, ફિઝા અને મિશન કાશ્મીર જેવી ફિલ્મો બનાવનાર પ્રદીપ ગુહાને લગભગ ત્રણ અઠવાડિયા પહેલા અદ્યતન લીવર કેન્સર હોવાનું નિદાન થયું હતું. તેમને મુંબઈની કોકિલાબેન અંબાણી હોસ્પિટલમાં દાખલ કરવામાં આવ્યા હતા અને શુક્રવારે સવારે તેમને વેન્ટિલેટર પર પણ રાખવામાં આવ્યા હતા.