News of Sunday, 14th January 2018

૧ જુને કરીનાની નવી ફિલ્‍મ વીરે દી વેડિંગ રજૂ થશે

મુંબઇ :  આ વર્ષ બોલિવૂડ માટે સારું નથી એમ જણાઇ રહ્યું છે. છેલ્લા કેટલાક દિવસોથી ફિલ્મ મેકરો પોતાની ફિલ્મની રિલીઝ ડેટ કોઇક કારણોસર આગળ-પાછળ ધકેલી રહ્યા છે. બોકસ ઓફિસ પર ફિલ્મ મેકરને પોતાની ફિલ્મ સફળ થાય એવી ઇચ્છા હોવાથી દરેક ફિલ્મ મેકર હવે સચેત બની ગયો છે. દર્શકો પોતાની ફિલ્મને સકારાત્મક પ્રતિસાદ આપે તે માટે ફિલ્મ મેકરો બોકસ ઓફિસ પર અન્ય ફિલ્મો સાથે ટક્કર પણ ટાળી રહ્યા છે. ફિલ્મ પદ્માવત, અય્યારી, પરી, હેટ સ્ટોરી ૪ બાદ અભિનેત્રી કરીના કપૂર ખાનની કમબેક ફિલ્મ વીરે દી વેડિંગની રિલીઝ ૧૮ મેની જગ્યાએ બે સપ્તાહ બાદ પહેલી જૂને રિલીઝ થશે. આ વાતની સત્તાવાર જાહેરાત સોશિયલ મીડિયા પર ફિલ્મને બનાવનાર નિર્માણ કંપની બાલાજી મોશન પિકચર્સે કરી છે. ફિલ્મમાં કરીના કપૂર ખાન, સોનમ કપૂર, સ્વરા ભાસ્કર, સુમિત વ્યાસ મુખ્ય ભૂમિકામાં છે. પહેલી જૂને લક્ષ્યનો જન્મદિન હોવાથી નિર્માત્રી એકતા કપૂરે જન્મદિન અને લગ્નમાં આવવાનું દર્શકોને નિમંત્રણ આપ્યં છે. ફિલ્મનું દિNર્શન સોનમની બહેન અને દિNર્શિકા રિહા કપૂરે કર્યું છે.

(12:33 pm IST)
  • કર્ણાટકના મુખ્યમંત્રી સિદ્વારમૈયા અને રાજ્યના અન્ય કોંગ્રેસી નેતાઓએ દિલ્હી ખાતે પાર્ટી અધ્યક્ષ રાહુલ ગાંધી સાથે મુલાકાત કરી હતી અને જણાવ્યું હતું કે કર્ણાટકમાં કોઇ સત્તા વિરોધી લહેર નથી અને તેમની પાર્ટી આગામી વિધાનસભાની ચૂંટણીમાં પૂર્ણ બહુમતિથી જીત મેળવશે : સિદ્વારમૈયાએ ભાજપને આતંકવાદી કહેલા પોતાના નિવેદન પર માફી માગવાનો આ મુલાકાત દરમ્યાન ઇનકાર કર્યો હતો. access_time 8:54 pm IST

  • અમરેલીના ચક્કરગઢ રોડ ઉપર આંગડિયા પેઢીનો કર્મચારી લુંટાયો : કર્મચારી પાસેથી છરીની અણીએ લૂંટ :ગુજરાત આંગડિયા પેઢીના કર્મચારીને ચાર અજાણ્યા શખ્સો દ્વારા છરીની અણીએ લૂંટી માર મારીને ફરાર: લૂંટમાં ઘાયલ કર્મચારીને સિવિલ હોસ્પિટલમાં સારવાર માટે ખસેડાયો access_time 9:08 am IST

  • સુપ્રીમ કોર્ટના ચાર વરિષ્ઠ ન્યાયમૂર્તિઓ પૈકી એક, જેમણે ભારતના મુખ્ય ન્યાયાધીશ સામે બળવો કરવાના પગલા લીધા છે, તેવા શ્રી કુરિયન જોસેફે વિશ્વાસ વ્યક્ત કર્યો છે કે તેમણે જે મુદ્દાઓ ઉઠાવ્યા છે, તે મુદ્દા કોર્ટની અંદરજ ઉકેલવામાં આવશે. તેમણે વધુમાં જણાવ્યું હતું કે આ વિવાદને બહારથી ઉકેલવાની જરૂર નથી. જો કે, તેમણે આજે પુનરોચ્ચાર કર્યો હતો કે સુપ્રીમ કોર્ટમાં સુધારા કરવાની જરૂર તો છેજ. access_time 11:31 pm IST