Gujarati News

Gujarati News

News of Wednesday, 16th September 2020

પરિક્ષામાંથી બહાર આવવું પડે છેઃ કરિશ્મા તન્ના

અભિનેત્રી કરિશ્મા તન્ના ટીવી પરદાની સોૈથી ખુબસુરત અભિનેત્રીઓના લિસ્ટમાં સામેલ છે. તે કહે છે આ ઇન્ડસ્ટ્રીમાં ચડતી-પડતી આવતી રહે છે. પરંતુ નિષ્ફળતામાં નિરાશ નહિ થવાનું અને સફળતામાં છકી નહિ જવાનું મારા મમ્મીએ મને શીખવ્યું છે અને તેના આશિર્વાદ મારી સાથે હમેંશા છે. ટીવી પરદે સફળતા મેળવી ફિલ્મોના પરદા સુધી પહોંચેલી કરિશ્મા તન્નાએ કયોં કી સાસ ભી કભી બહુ થી, કયામત કી રાત, નાગિન-૩ સહિતના શોમાં કામ કરી ખુબ નામના મેળવી છે. વર્ષ ૨૦૦૫માં તેણે ફિલ્મ દોસ્તી-ફ્રેન્ડ્સ ફોરએવરથી બોલીવૂડમાં એન્ટ્રી કરી હતી. એ પછી ગ્રાન્ડ મસ્તીમાં કામ કર્યુ હતું. તેની સંજય દત્ત અને વિવેક ઓબેરોય સાથેની ફિલ્મ ચાલુ જ થઇ શકી નહોતી. સની લિયોની સાથેની એક ફિલ્મનું પણ આવુ જ થયું હતું. આ કારણે કરિશ્મા દુઃખી થઇ હતી. પણ પછી સકારાત્મક અભિગમ અપનાવી આગળ વધી. સંજુમાં તેને નાનો પણ ખુબ મહત્વનો રોલ મળ્યો હતો. હાલમાં તે વેબ સિરીઝમાં કામ કરી રહી છે. તે કહે છે અહિ તમારી પરિક્ષા થતી રહે છે. તમારે તેમાંથી બહાર આવવું પડે છે.

(10:22 am IST)
  • રાજસ્થાનમાં ફરી રાજકીય તણાવના એંધાણ : ગેહલોતના મંત્રી વિરુદ્ધ ધારાસભ્યે ખોલ્યો મોરચો : ગજેન્દ્રસિંહ શેખાવતે કહ્યું હવે શરૂ થશે નકારાનિકમ્મા પાર્ટ-2: ખાણ વિભાગના મંત્રી પ્રમોદ જૈન ભાયાનું નામ લીધા વિના ધારાસભ્ય ભરતસિંહે લખેલ પત્રમાં કહેવાયું કે મુખ્યમંત્રીએ રાજ્યના પ્રભારી મંત્રીઓને બદલી નાખ્યા પરન્તુ સૌથી ભ્રષ્ટ મંત્રીને હજુ સુધી બરખાસ્ત કર્યા નથી access_time 8:58 am IST

  • ઉત્તર પ્રદેશમાં 21 સપ્ટેમ્બરથી સ્કૂલો ખુલવાની શક્યતા નહિવત : રાજ્યમાં વધી રહેલા કોરોના સંક્રમણને ધ્યાને લઇ ડેપ્યુટી સી.એમ.દિનેશ શર્માનો નિર્દેશ : કેન્દ્ર સરકારે અનલોક 4 માં 21 સપ્ટે.થી સ્કૂલો ખોલવાની મંજૂરી આપી હોવા છતાં રાજ્ય સરકાર અસંમત : વિદ્યાર્થીઓની સુરક્ષાને પ્રાધાન્ય આપવાનો હેતુ access_time 12:20 pm IST

  • સરદાર સરોવર ડેમની સપાટી 138 મીટર : નર્મદા ડેમ અંગે અંગે નાયબ મુખ્યમંત્રી નીતિનભાઈ પટેલે કહ્યું- સરદાર સરોવર ડેમની સપાટી 138 મીટર થઈ:ડેમમાં હાલ પાણીની આવક ચાલુ: વડાપ્રધાન મોદીના જન્મ દિવસે નર્મદા ડેમ ભરાઈ જશે: ઉદ્યોગો, પશુઓ અને ખેતીને ફાયદો થશે: પાણીની આવકના કારણે પાવર હાઉસ ચાલુ છે. access_time 12:52 am IST