News of Thursday, 15th February 2018

સલમાન ખાન મહેરબાન... બોબીને મળી બીજી ફિલ્મ

બોલીવૂડમાં સલમાન ખાન જેના પર મહેરબાન થાય તેને કામ શોધવા જવું પડતું નથી. અનેક હીરો-હિરોઇનને લોન્ચ કરી ચુકેલા સલમાન ખાને બોબી દેઓલની કારકિર્દી ફરી પાટે ચડાવવા તેને રેસ-૩માં મહત્વનો રોલ અપાવ્યો છે. સલમાનના કહેવા મુજબ બોબીએ આ ફિલ્મ માટે જીમમાં જઇ ખાસ બોડી બનાવી છે. બોબીને ફિલ્મોમાં સની દેઓલે લોન્ચ કર્યો હતો અને તેની કારકિર્દી બનાવવા સતત મહેનત કરી છે. બોબી ત્રણેક વર્ષથી ખાલી બેઠો હોઇ વજન ખુબ વધી ગયું હતું. સલમાને તેને વજન ઓછુ થાય તો રેસ-૩ મળશે તેવી ઓફર કરતાં જ બોબી જીમમાં પરસેવો પાડવા માંડ્યો હતો. તેની મહેનતથી પ્રભાવીત થઇ સલમાને પોતાની બીજી ફિલ્મ 'ભારત'માં પણ બોબીને ખાસ રોલ આપ્યો છે. આ રોલ નાનો પણ મહત્વનો છે. બોબી સલમાન માટે આ રોલ કરવા તૈયાર છે.

 

(9:34 am IST)
  • સાંજે જામનગર નજીક ઢીંચડા ગામમાં બે જૂથ વચ્ચેની અથડામણમાં ખાનગી ફાયરિંગની ઘટના બનવા પામેલ તે અંગે બેડી મરીન પોલીસ ટુકડી તપાસ કરી રહી હોવાનું જાણવા મળે છે access_time 12:42 am IST

  • કચ્છનાં મુંદ્રા પોર્ટ પરથી ફરી કિંમતી સિગારેટની દાણચોરી કરી મોટ જથ્થો ધુસાડવાનો પ્રયાસ DRIએ નાકામ બનાવ્યો છે. DRI દ્રારા 14 લાખ 40 હજાર સિગારેટનો માતબર જથ્થો ઝડપવામાં આવ્યો છે જેની બજાર કિંમત 1 કરોડ 44 લાખ કરતા પણ વઘુ આંકવામાં આવે છે access_time 9:29 am IST

  • અમેરીકાના સ્વીમીંગ સિતારા માઈલ ફેલ્પ્સની પત્નિએ બીજા પુત્રને જન્મ આપ્યો : ૩૨ વર્ષના ફેલ્પ્સ અને તેની પત્નિ નિકોલે બીજા પુત્રને જન્મ આપ્યો હોવાની જાહેરાત કરી : ફેલ્પ્સે ૨૦૧૬માં રિયો ડિ જાનેરો ખાતેના ઉનાળાના ઓલિમ્પિક રમતોત્સવ બાદ સૌથી સફળ ઓલિમ્પિયન તરીકે નિવૃતિ લીધી હતીઃ તેણે ૨૮ ઓલિમ્પિક મેડલ જીત્યા હતા access_time 12:24 pm IST