Gujarati News

બોલીવૂડ અભિનેતા બોબી દેઓલને વેબ સિરીઝ આશ્રમ ખુબ ફળી છે. તેનો અભિનય બધાએ ખુબ વખાણ્યો છે. વળી આ સિરીઝને સોૈથી વધુ લોકોએ પણ જોઇ લીધી છે. એમએકસ પ્લેયરની સિરીઝ આશ્રમમાં કાશીપુરવાલે બાબા નિરાલા બનીને બોબીએ બધાને ચોંકાવી દીધા હતાં. પ્રકાશ ઝા દ્વારા નિર્દેશીત આ સિરીઝની બીજી સિઝન આવતા વર્ષે માર્ચમાં રિલીઝ થવાની હતી. પરંતુ હવે આ વર્ષના અંતમાં જ રિલીઝ થઇ જાય તેવી શકયતા છે. નવેમ્બર મહિનામાં બીજો ભાગ રિલીઝ થઇ જાય તેમ સમજાય છે. પ્રકાશ ઝાએ અયોધ્યામાં સતત ત્રણ મહિના આ સિરીઝનું શુટીંગ કર્યુ હતું. બે ભાગમાં રિલીઝ કરવાનું ત્યારે જ નક્કી હતું. બીજા ભાગનું કામ હાલ પોસ્ટ પ્રોડકશનમાં છે. જે જલ્દી પુરૂ થતાં જ રિલીઝની તારીખ જાહેર કરી દેવામાં આવશે.  આશ્રમ સિરીઝને માત્ર એક મહિનામાં જ ૩૨૦ મિલિયનથી વધુ વ્યુઝ મળ્યાનો દાવો કરાયો છે. લોકોને ખુબ ગમેલી આ સિરીઝનો બીજા ભાગની આતુરતાથી રાહ જોવાઇ રહી છે.