Gujarati News

મુંબઇ, તા.૭: ઈન્ડિયન આઈડલ ૧૨ ખતમ થયા બાદ પણ તેના ફાઈનાલિસ્ટ્સ સતત ચર્ચામાં છે, ખાસ કરીને પવનદીપ રાજન અને અરુણિતા કાંજીલાલ તેમની કેમેસ્ટ્રીના કારણે વધારે લાઈમલાઈટમાં રહે છે. શો દરમિયાન પણ ફેન્સને પવનદીપ અને અરુણિતાની જોડી ગમી હતી અને એકબીજા સાથે નામ જોડ્યું હતું. આટલું જ નહીં ફેન્સે તેમને ્નખ્શ્વ્યઝ્રફૂફૂષ્ટનું હુલામણું નામ પણ આપ્યું છે. અત્યારસુધીમાં આપેલા દરેક ઈન્ટરવ્યૂમાં બંને તેઓ એકબીજાના માત્ર સારા મિત્રો હોવાનું કહેતા આવ્યા છે, છતાં ફેન્સ તેમને એકલા છોડતા નથી અને તેઓ જલ્દીથી લગ્ન કરી લે તેમ ઈચ્છે છે.

આ દરમિયાન, પવનદીપ રાજન અને અરુણિતા કાંજીલાલની કેટલીક તસવીરો સોશિયલ મીડિયા પર વાયરલ થઈ રહી છે, જેમાં બંનેની કેમેસ્ટ્રીની ઝલક જોવા મળી રહી છે. આ તસવીરો તેમના પહેલા મ્યૂઝિક વીડિયોની છે.

પવનદીપ અને અરુણિતાની વાયરલ થઈ રહેલી તસવીરો ઓકટોપસ એન્ટરટેન્મેન્ટે તેમના ઈન્સ્ટાગ્રામ પર શેર કરી છે. જેની સાથે બંને સિંગર્સે મ્યૂઝિક સીરિઝનો કોન્ટ્રાકટ સાઈન કર્યો છે અને તેમા તેમના ૨૦ સોન્ગ છે, જેમાથી પહેલા સોન્ગનું શૂટિગ શરૂ થઈ ગયું છે. તસવીરોમાં પવનદીપ અને અરુણિતા કોઈ સુંદર લોકેશન પર છે. અરુણિતાએ ઓશન બ્લૂ કલરનું આઉટફિટ પહેર્યું છે અને વાળ ખુલ્લા રાખ્યા છે, સાથે હળવો મેકઅપ પણ કર્યો છે. તો પવનદીપ વ્હાઈટ ટી-શર્ટ, ડેનિમ અને વ્હાઈટ જેકેટ પહેર્યું છે.

પવનદીપ અને અરુણિતા ફેનપેજે શૂટિંગ સેટ પરથી ઈન્સ્ટાગ્રામ પર વધુ બે તસવીરો શેર કરી છે. જેમાંથી એક તસવીરમાં બંનેને ઓફ-સ્ક્રીન વાતો અને હસી-મજાક કરતા જોઈ શકાય છે, જયારે બીજી તસવીર શૂટિંગના સીન છે. જણાવી દઈએ કે, બંને સિંગર્સ તેમની મ્યૂઝિક સીરિઝ માટે તનતોડ મહેનત કરી રહ્યા છે અને ડાન્સ પણ શીખી રહ્યા છે.

પવનદીપ અને અરુણિતાના અત્યારસુધીમાં ત્રણ સોન્ગ રિલીઝ થઈ ચૂકયા છે. આ ત્રણેય સોન્ગ તેમણે હિમેશ રેશમિયાના આલ્બમ 'હિમેશ કે દિલ સે' માટે ગાયા હતા અને ફેન્સને પસંદ પણ આવ્યા હતા.