Gujarati News

દહેરાદૂનમાં રહેતાં એક પરિવારની પોતાના સપનાનું ઘર બનાવવાની કોમેડી કહાની દર્શાવતી વેબ સિરીઝ ‘હોમ શાંતિ' આવતીકાલે હોટસ્‍ટાર સ્‍પેશિયલ પર રિલીઝ થશે. આ કોમેડી ડ્રામામાં દિગ્‍ગજ અભિનેતાઓ સુપ્રિયા પાઠક અને મનોજ પાહવા મુખ્‍ય ભુમિકા નિભાવી રહ્યા છે. સુપ્રિયાએ કહ્યું હતું કે મેં જ્‍યારે સ્‍ક્રિપ્‍ટ સાંભળી ત્‍યારે લાગ્‍યું કે જીવનનો આ દિલચસ્‍પ ભાગ છે અને હું આ પાત્ર સાથે ચોક્કસ ન્‍યાય રી શકીશ. મને વિશ્વાસ હતો કે હું પાત્રને મજેદાર બનાવીશ. આ કારણે જ હું હોમ શાંતિનો ભાગ બનવા ઇચ્‍છતી હતી. મનોજ પાહવાએ કહ્યું હતું કે હાલમાં વેબ સિરીઝ મોટે ભાગે ગુનાખોરી, અન્‍ડરવર્લ્‍ડ, ગાળોનો વરસાદ વરસાવતા માફીયાઓથી ભરપુર હોય છે. હોમ શાંતિની કહાની વાંચીને જ મને રાહત થઇ ગઇ હતી કે આમા આવુ કંઇ નથી. આ એક પારિવારીક અને ઘરેલુ કહાની છે જેને સમગ્ર પરિવાર સાથે બેસીને જોઇ શકે છે. આ કહાની હિન્‍દી અખબારના કોલમિસ્‍ટ ઉમેશ જોષી અને તેની નિવૃત સરકારી સ્‍કૂલની વાઇસ પ્રિન્‍સીપાલ સરલા જોષીની અને તેના બે બાળકોની છે.