નવી દિલ્હી: પાકિસ્તાન સામેની બે ટેસ્ટ મેચની શ્રેણી પહેલા શ્રીલંકાને મોટો ઝટકો લાગ્યો છે. ઓપનર પથુમ નિસાન્કા ઈજાને કારણે ટેસ્ટ શ્રેણીમાંથી બહાર થઈ ગયો છે. તે ડાબા હેમસ્ટ્રિંગની ઈજામાંથી સ્વસ્થ થઈ રહ્યો છે. શ્રીલંકા ક્રિકેટે મંગળવારે પુષ્ટિ આપી હતી કે લાહિરુ ઉદારાને તેમના સ્થાને શ્રીલંકન ટીમમાં સામેલ કરવામાં આવ્યો છે.શ્રીલંકા ક્રિકેટે એક નિવેદનમાં જણાવ્યું હતું કે, "પથુમ નિસાન્કા પાકિસ્તાન સામેની આગામી બે મેચની ટેસ્ટ શ્રેણીમાં રમી શકશે નહીં. તે હજુ સુધી ડાબા હેમસ્ટ્રિંગની ઈજામાંથી સ્વસ્થ થયો નથી. ક્રિકેટ પસંદગી સમિતિએ તેમના સ્થાને લાહિરુ ઉદારાને સામેલ કર્યો છે. ઉદારા પહેલાથી જ શ્રીલંકા ODI ટીમના ભાગ રૂપે પાકિસ્તાનમાં છે."નિસાન્કાનો અગાઉ જાહેર કરાયેલ ટેસ્ટ ટીમમાં સમાવેશ કરવામાં આવ્યો હતો. જોકે, તેમની ભાગીદારી સંપૂર્ણપણે ફિટનેસ પર આધારિત હતી. ઉદારાની પાકિસ્તાનમાં હાજરીથી શ્રીલંકા ક્રિકેટ બોર્ડ માટે તેમની પસંદગી સરળ બની હતી. લહરુ ઉદારાએ પાંચ ટેસ્ટમાં 313 રન બનાવ્યા છે, જેમાં એક સદીનો સમાવેશ થાય છે. તેમનો સર્વોચ્ચ સ્કોર 188 છે.આ બે ટેસ્ટ શ્રેણી ICC વર્લ્ડ ટેસ્ટ ચેમ્પિયનશિપ ચક્રનો ભાગ છે. પહેલી ટેસ્ટ 9 નવેમ્બરથી રાવલપિંડીમાં અને બીજી ટેસ્ટ 17 નવેમ્બરથી લાહોરમાં રમાશે.શ્રીલંકાની કમાન કુસલ મેન્ડિસ સંભાળશે. ટીમમાં અનુભવી દિનેશ ચંદીમલ, ધનંજય ડી સિલ્વા અને કમિન્ડુ મેન્ડિસનો પણ સમાવેશ થાય છે. દિલશાન મદુશંકા, ઇશાન મલિંગા અને અંજલા બંદારા પણ ટીમનો ભાગ છે.શ્રીલંકા વર્લ્ડ ટેસ્ટ ચેમ્પિયનશિપમાં સાતમા ક્રમે છે, જ્યારે પાકિસ્તાન નવમા ક્રમે છે. આગામી શ્રેણી બંને ટીમોને સ્પર્ધામાં પોતાનું સ્થાન મજબૂત કરવાની તક પૂરી પાડશે.