ભારતના યુવા બેટ્સમેન Vaibhav Suryavanshiએ ફરી એકવાર પોતાની વિસ્ફોટક બેટિંગથી ક્રિકેટ જગતને ચોંકાવી દીધું છે. શ્રીલંકા A સામે રમાયેલી ત્રિકોણીય શ્રેણીની ફાઈનલમાં વૈભવે માત્ર 11 બોલમાં અડધી સદી ફટકારી લિસ્ટ-A ક્રિકેટના ઇતિહાસમાં સૌથી ઝડપી ફિફ્ટીનો વિશ્વ રેકોર્ડ પોતાના નામે કર્યો છે. આ સાથે તેણે લગભગ 20 વર્ષ જૂનો રેકોર્ડ તોડી નાખ્યો હતો. 

દંબુલ્લામાં રમાયેલી ફાઈનલમાં વૈભવે શરૂઆતથી જ શ્રીલંકન બોલરો પર આક્રમક હુમલો કર્યો હતો. તેણે 29 બોલમાં 94 રનની ધમાકેદાર ઇનિંગ્સ રમી હતી, જેમાં 10 ચોગ્ગા અને 8 છગ્ગાનો સમાવેશ થાય છે. જોકે તે માત્ર 6 રનથી સદી ચૂકી ગયો, તેમ છતાં તેની આ ઇનિંગ્સે ભારત Aને મજબૂત શરૂઆત અપાવી હતી. 

માત્ર 15 વર્ષની ઉંમરે વૈભવ સૂર્યવંશી સતત નવા રેકોર્ડ સર્જી રહ્યો છે. તેની આ તોફાની ઇનિંગ્સ સોશિયલ મીડિયા અને ક્રિકેટ વર્તુળોમાં ચર્ચાનો વિષય બની છે. ક્રિકેટ નિષ્ણાતો તેને ભારતીય ક્રિકેટનું ઉજ્જવળ ભવિષ્ય ગણાવી રહ્યા છે.