નવી દિલ્‍હી : ૨૬ ફેબ્રુઆરીએ ટીમ ઇન્‍ડિયા ચેન્નઇના ચેપોક સ્‍ટેડિયમમાં સુપર ૮ની પોતાની બીજી મેચમાં ઝિમ્‍બાબ્‍વે સામે ટકરાશે. સાઉથ આફ્રિકા સામેની હાર અને વેસ્‍ટ ઇન્‍ડીઝના શાનદાર નેટ રન-રેટને કારણે ભારતનું સેમી-ફાઇનલનું સમીકરણ ખોરવાયું છે. ભારતે પોતાની આગામી બન્ને મેચ મોટા માર્જિનથી જીતીને પોતાના નેટ રન-રેટને સુધારવો પડશે. કેપ્‍ટન સૂર્યકુમાર યાદવ અને અન્‍ય ક્રિકેટર્સે હળવા મૂડમાં શાનદાર કમબેક માટેની તૈયારી ચેપોકમાં શરૂ કરી હતી.