મુંબઈ :યશસ્વી જયસ્વાલની લડાયક ઇનિંગ્સ છતાં ટીમ ઈન્ડિયા ઓસ્ટ્રેલિયા સામેની મેલબોર્ન ટેસ્ટ બચાવી શકી નથી. ઓસ્ટ્રેલિયાએ બોક્સિંગ-ડે ટેસ્ટ મેચમાં ભારતને 184 રનથી હરાવ્યું છે. આ સાથે મેલબોર્નમાં હેટ્રિક નોંધાવવાનું ભારતનું સપનું પણ ચકનાચૂર થઈ ગયું છે. ભારતે તેના છેલ્લા બે ઓસ્ટ્રેલિયન પ્રવાસોમાં મેલબોર્ન ક્રિકેટ ગ્રાઉન્ડ પર રમાયેલી મેચ જીતી હતી. આ વખતે ભારતીય ટીમ જીતવા માટે જરૂરી 340 રન બનાવી શકી ન હતી.

ઓસ્ટ્રેલિયાએ પ્રથમ દાવમાં 474 રનનો વિશાળ સ્કોર બનાવ્યો હતો. આ પછી ટીમ ઈન્ડિયાએ 369 રન બનાવ્યા હતા. બીજા દાવમાં ઓસ્ટ્રેલિયાની ટીમ 105 રનની લીડ સાથે ઉતરી હતી. તેણે પોતાની બીજી ઇનિંગમાં 234 રન બનાવ્યા અને ભારતને 340 રનનો ટાર્ગેટ આપ્યો, જે ટીમ ઈન્ડિયા હાંસલ કરી શકી ન

આ મેચમાં ફરી એકવાર ભારતીય દિગ્ગજ બેટ્સમેનો નિષ્ફળ સાબિત થયા હતા. રોહિત શર્માનું બેટ કે વિરાટ કોહલી, કેએલ રાહુલ અને ઋષભ પંતનું બેટ કામ કરતું ન હતું. યશસ્વી જયસ્વાલે ચોક્કસપણે એક છેડો પકડી રાખ્યો હતો અને આશા રાખી હતી પરંતુ તેને ટેકો મળ્યો નહોતો. ઋષભ પંતે થોડો સમય સપોર્ટ કરવાનો પ્રયાસ કર્યો હતો. તેણે ધીરજ સાથે બેટિંગ કરી અને યશસ્વીને ટેકો આપવાનો પ્રયાસ કર્યો, પરંતુ આ મેચમાં બેટથી નિષ્ફળ ગયેલા ટ્રેવિસ હેડે બોલિંગમાં અજાયબી કરી અને પંતની ઇનિંગ્સનો અંત લાવ્યો. પંતે 104 બોલનો સામનો કર્યો અને 30 રન બનાવ્યા.